Almaty oblysy kásipkerlik jáne indýstriialyq-innovatsiialyq damý basqarmasy jariialaǵan investitsiialyq qyzmetke qatysty konsaltingtik qyzmetter tenderin "Almaty oblysynyń óńirlik damý ortalyǵy" JShS jeńip aldy. Onyń quny 689,6 mln teńgeni quraidy, dep habarlaidy Dalanews.kz.
Ashyq derekterge sáikes, baiqaýǵa bir ǵana ótinim túsken. Sondai-aq kompaniianyń 1,86 mln teńge kóleminde ótelmegen aiyppuly jáne 14,06 mln teńge salyq pen keden tólemderi boiynsha bereshegi bar. Soǵan qaramastan, keiingi bes jylda bul uiym atalǵan basqarmadan jalpy somasy 3,45 mlrd teńgeden astam memlekettik tapsyrys alǵan.
Yntymaqtastyq 2017 jyly bastalǵan. Sol jyly investorlar keńesiniń otyrysyn ótkizýge biýdjetten 803 myń teńge bólingen. 2019 jyly memlekettik qoldaý sharalaryn túsindirýge arnalǵan biznes-treningterge 20 mln jáne 25 mln teńge jumsalyp, sol jyly "Almaty oblysyn jedel ekonomikalyq damytýǵa arnalǵan skriningke" 425,5 mln teńge baǵyttalǵan.
2020 jyldan bastap "front-ofis qyzmetin uiymdastyrý" baǵytyna qarjy turaqty túrde bólinip keledi. Alǵashqy jyly bul maqsatqa 150 mln teńge qarastyrylsa, keiingi jyldary shyǵyn kólemi aitarlyqtai ósken: 2021 jyly – 378,6 mln, 2022 jyly – 553,6 mln, 2023 jyly – 465,8 mln, 2024 jyly – 671,3 mln, al 2025 jyly 763,5 mln teńgege jetken.
Adata.kz dereginshe, kompaniiada 41 qyzmetker jumys isteidi, olardyń ortasha ailyq jalaqysy 2 074 585 teńgeni quraidy. Al 2025 jyldyń úshinshi toqsanynda Almaty oblysyndaǵy ortasha nominaldy jalaqy 343 625 teńge bolǵan.
