Premer-ministrdiń orynbasary Ermek Kósherbaev №1 balalar úii tóńiregindegi daýǵa qatysty pikir bildirdi, dep habarlaidy Dalanews.kz.
Onyń aitýynsha, negizgi másele – durys júrgizilmegen kommýnikatsiiada.
«Jaǵdai sál baqylaýdan shyǵyp ketti. Ákim sol kúni kóshirý dál osyndai túrde ótetinin boljaǵan joq. Biraq kez kelgen jaǵdaida jaýapkershilik atqarýshy organda. Sebebi mundai jaǵdaiǵa jol berýge bolmaityn edi. Laýazymdy tulǵalar óz ókilettiginen tys áreket etken», – dedi Ermek Kósherbaev.
Kósherbaevtyń aitýynsha, Baǵanashyldaǵy balalar úiine qatysty máseleni kóktemde-aq sheshýge bolatyn edi, sol kezde daý bastalǵan.
Sonymen qatar vitse-premer Qonaev qalasyndaǵy jańa ǵimaratqa barǵanyn aitty. Ol ǵimarattyń jaǵdaiyna kóńili tolǵan.
«Osyndai balalar úileri Qazaqstannyń barlyq óńirinde salynsa, óte jaqsy bolar edi. TsAN-nan kóshirilgen balalar jańa ǵimarattaǵy jaǵdaiǵa tolyq riza. №1 balalar úiiniń tárbielenýshilerine bárin kórsetip, túsindirý kerek edi – qandai jaǵdaida ómir súretinin, ne kútip turǵanyn aitý qajet bolatyn», – dedi Kósherbaev.
