پرەمەر-مينيستردىڭ ورىنباسارى ەرمەك كوشەربايەۆ №1 بالالار ءۇيى توڭىرەگىندەگى داۋعا قاتىستى پىكىر ءبىلدىردى، دەپ حابارلايدى Dalanews.kz.
ونىڭ ايتۋىنشا، نەگىزگى ماسەلە – دۇرىس جۇرگىزىلمەگەن كوممۋنيكاسيادا.
«جاعداي ءسال باقىلاۋدان شىعىپ كەتتى. اكىم سول كۇنى كوشىرۋ ءدال وسىنداي تۇردە وتەتىنىن بولجاعان جوق. ءبىراق كەز كەلگەن جاعدايدا جاۋاپكەرشىلىك اتقارۋشى ورگاندا. سەبەبى مۇنداي جاعدايعا جول بەرۋگە بولمايتىن ەدى. لاۋازىمدى تۇلعالار ءوز وكىلەتتىگىنەن تىس ارەكەت ەتكەن»، – دەدى ەرمەك كوشەربايەۆ.
كوشەربايەۆتىڭ ايتۋىنشا، باعاناشىلداعى بالالار ۇيىنە قاتىستى ماسەلەنى كوكتەمدە-اق شەشۋگە بولاتىن ەدى، سول كەزدە داۋ باستالعان.
سونىمەن قاتار ۆيسە-پرەمەر قونايەۆ قالاسىنداعى جاڭا عيماراتقا بارعانىن ايتتى. ول عيماراتتىڭ جاعدايىنا كوڭىلى تولعان.
«وسىنداي بالالار ۇيلەرى قازاقستاننىڭ بارلىق وڭىرىندە سالىنسا، وتە جاقسى بولار ەدى. سان-نان كوشىرىلگەن بالالار جاڭا عيماراتتاعى جاعدايعا تولىق ريزا. №1 بالالار ءۇيىنىڭ تاربيەلەنۋشىلەرىنە ءبارىن كورسەتىپ، ءتۇسىندىرۋ كەرەك ەدى – قانداي جاعدايدا ءومىر سۇرەتىنىن، نە كۇتىپ تۇرعانىن ايتۋ قاجەت بولاتىن»، – دەدى كوشەربايەۆ.
