Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Almaty oblysyndaǵy nemisterdiń «Taýbulaq» ekokemping sharasyna qyzyǵýshylar kóp

Dalanews
Almaty oblysyndaǵy nemisterdiń «Taýbulaq» ekokemping sharasyna qyzyǵýshylar kóp
Almaty oblystyq Qazaqstan halyqtary Assambleiasy Jetisý jerindegi ózge ult ókilderiniń etnomádeni birlestikteriniń jumysyn kúsheitýge, olarǵa óz dástúrlerin jańǵyrtyp, ádet-ǵuryptar men salt-dás­túrlerdi, ulttyq mádenietin meńgerýine barynsha qoldaý kórsetip keledi. Jetisýdaǵy ózge ult ókilderiniń uiymdary da elimizdiń jan-jaqty damýyna óz úlesin qosýda. Kórikti jerlerimen kóz tartqan Almaty oblysy, óziniń tabiǵaty sulý jerlerimen álemge tanymal. Osy rette Almaty oblysy aýmaǵynda turatyn nemis aǵaiynda birneshe jyldan beri «Taýbulaq» ekokemping is-sharasyn uiymdastyryp kele jatqanyn airyqsha atap aitýǵa bolady.

Almaty oblysynyń aýmaǵyndaǵy aspanmen tildesken biik taýlar, máńgi muzdyqtar men kórki kóz tartqan kermet aimaqtary jastar arasynda ekologiialyq jáne etnomádnei is-sharalardy kóptep uiymdastyrýǵa múmkindik beretini belgili.

Keń baitaq Qazaqstannyń tumsa tabiǵatyn saqtap, kózdiń qarashyǵyndai saqtaý kez kelgen el azamattarynyń basty paryzy desek artyq aitqandyq bolmas edi. Memleket basshysy Qasym-Jomart Toqaev Qazaqstan halqyna arnaǵan bilyǵy Joldaýynda tabiǵatty saqtaý, ekologiialyq máseleler airyqsha kóńil bólýdiń mańyzdylyǵyn atap ótti.

Túgin tartsań, maiy shyǵatyn kieli Jetisý jerin mekendeitin nemis aǵaiyndar uiymdastyratyn «Taýbulaq» ekokemping is-sharasy óńirdegi ózge ult ókilderiniń basyn qosatyn mańyzdy jobalardyń birine ainalyp otyr.

Tipti, kei jyldar atalmysh is-sharaǵa alys, jaqyn shetelden arnaiy meimandar kelip, Almaty oblysynyń kórikti jerlerin óz kózderimen kórip, tamsanyp qaitatynyn bilemiz.

Aitalyq, osydan birneshe jyl buryn Almaty oblysyna arnaiy kelgen baýyrlas el Tatarstannyń prezidenti Rýstam Minnihanov oblys ákimi Amandyq Batalovpen birge «Taýbulaq» ekokemping is-sharasyn tamashalap, elimizdegi ózge ult ókilderiniń basyn qosqan aitýly is-sharanyń mańyzyn jete túsinip, oǵan óziniń joǵary baǵasyn bergen bolatyn.

Jastar arasynda tabiǵatty qorǵaýdyń mańyzdylyǵyn túsindirýde ekotýrizmniń alatyn oryny erekshe. Bul rette Almaty oblystyq Qazaqstan halqy Assambleiasynyń belsendileri kóptegen jumystar atqaryp, bul baǵytta jumystar jandandyrýǵa airyqsha mán berip otyr.

Osy rette Almaty oblystyq Qazaqstan halqy Assambleiasy, «Dostyq úii – qoǵamdyq kelisim ortalyǵy» men «Vidergebýrt» nemis etnomádeni birlestigi birlesip «Taýbulaq» ekokempingin udaiy uiymdastyryp keledi.

Aitýly ekologiialyq sharaǵa Qazaqstan halqy Assambleiasynyń oblystyq hatshylyǵy, Dostyq úii qyzmetkerleri, Etnomádeni birlestik músheleri, «Jańǵyrý joly» shtaby, I.Jansúgirov atyndaǵy Jetisý Memlekettik ýniversitetiniń Qazaqstan halqy Assambleiasy kafedrasy, Kóksý, Qaratal, Eskeldi aýdandaryndaǵy mádeni birlestikterdiń ókilderi belseni qatysyp, sharanyń kórkin qyzdyrǵanyn bilemiz.

Mundai mańyzdy jiyndy ótkizýdegi negizgi maqsat – jas býyn ókilderin otansúigishtikke tárbieleý, patriottyq sezimin qalyptastyrý, qazaq halqynyń tarihyna degen qyzyǵýshylyqty arttyrý, jastardyń ómirdegi ustanymyna qoldaý kórsetip, alǵa qoiǵan maqsat-josparlaryn júzege asyrýǵa qolǵabys jasaý.

Taǵyda oqyńyz:


https://dalanews.kz/43607
Amandyq Batalov Dostyq úii Rýstam Minnihanov «Taýbulaq» ekokemping Taýbulaq ekokemping Vidergebýrt Madina Sádýaqasova

Oqi otyryńyz