الماتى وبلىستىق قازاقستان حالىقتارى اسسامبلەياسى جەتىسۋ جەرىندەگى وزگە ۇلت وكىلدەرىنىڭ ەتنومادەني بىرلەستىكتەرىنىڭ جۇمىسىن كۇشەيتۋگە، ولارعا ءوز داستۇرلەرىن جاڭعىرتىپ، ادەت-عۇرىپتار مەن ءسالت-داس­تۇرلەردى، ۇلتتىق مادەنيەتىن مەڭگەرۋىنە بارىنشا قولداۋ كورسەتىپ كەلەدى. جەتىسۋداعى وزگە ۇلت وكىلدەرىنىڭ ۇيىمدارى دا ەلىمىزدىڭ جان-جاقتى دامۋىنا ءوز ۇلەسىن قوسۋدا. كورىكتى جەرلەرىمەن كوز تارتقان الماتى وبلىسى، ءوزىنىڭ تابيعاتى سۇلۋ جەرلەرىمەن الەمگە تانىمال. وسى رەتتە الماتى وبلىسى اۋماعىندا تۇراتىن نەمىس اعايىندا بىرنەشە جىلدان بەرى «تاۋبۇلاق» ەكوكەمپينگ ءىس-شاراسىن ۇيىمداستىرىپ كەلە جاتقانىن ايرىقشا اتاپ ايتۋعا بولادى.

الماتى وبلىسىنىڭ اۋماعىنداعى اسپانمەن تىلدەسكەن بيىك تاۋلار، ماڭگى مۇزدىقتار مەن كوركى كوز تارتقان كەرمەت ايماقتارى جاستار اراسىندا ەكولوگيالىق جانە ەتنومادنەي ءىس-شارالاردى كوپتەپ ۇيىمداستىرۋعا مۇمكىندىك بەرەتىنى بەلگىلى.

كەڭ بايتاق قازاقستاننىڭ تۇمسا تابيعاتىن ساقتاپ، كوزدىڭ قاراشىعىنداي ساقتاۋ كەز كەلگەن ەل ازاماتتارىنىڭ باستى پارىزى دەسەك ارتىق ايتقاندىق بولماس ەدى. مەملەكەت باسشىسى قاسىم-جومارت توقايەۆ قازاقستان حالقىنا ارناعان بيلىعى جولداۋىندا تابيعاتتى ساقتاۋ، ەكولوگيالىق ماسەلەلەر ايرىقشا كوڭىل ءبولۋدىڭ ماڭىزدىلىعىن اتاپ ءوتتى.

تۇگىن تارتساڭ، مايى شىعاتىن كيەلى جەتىسۋ جەرىن مەكەندەيتىن نەمىس اعايىندار ۇيىمداستىراتىن «تاۋبۇلاق» ەكوكەمپينگ ءىس-شاراسى وڭىردەگى وزگە ۇلت وكىلدەرىنىڭ باسىن قوساتىن ماڭىزدى جوبالاردىڭ بىرىنە اينالىپ وتىر.

ءتىپتى، كەي جىلدار اتالمىش ءىس-شاراعا الىس، جاقىن شەتەلدەن ارنايى مەيماندار كەلىپ، الماتى وبلىسىنىڭ كورىكتى جەرلەرىن ءوز كوزدەرىمەن كورىپ، تامسانىپ قايتاتىنىن بىلەمىز.

ايتالىق، وسىدان بىرنەشە جىل بۇرىن الماتى وبلىسىنا ارنايى كەلگەن باۋىرلاس ەل تاتارستاننىڭ پرەزيدەنتى رۋستام ميننيحانوۆ وبلىس اكىمى اماندىق باتالوۆپەن بىرگە «تاۋبۇلاق» ەكوكەمپينگ ءىس-شاراسىن تاماشالاپ، ەلىمىزدەگى وزگە ۇلت وكىلدەرىنىڭ باسىن قوسقان ايتۋلى ءىس-شارانىڭ ماڭىزىن جەتە ءتۇسىنىپ، وعان ءوزىنىڭ جوعارى باعاسىن بەرگەن بولاتىن.

جاستار اراسىندا تابيعاتتى قورعاۋدىڭ ماڭىزدىلىعىن تۇسىندىرۋدە ەكوتۋريزمنىڭ الاتىن ورىنى ەرەكشە. بۇل رەتتە الماتى وبلىستىق قازاقستان حالقى اسسامبلەياسىنىڭ بەلسەندىلەرى كوپتەگەن جۇمىستار اتقارىپ، بۇل باعىتتا جۇمىستار جانداندىرۋعا ايرىقشا ءمان بەرىپ وتىر.

وسى رەتتە الماتى وبلىستىق قازاقستان حالقى اسسامبلەياسى، «دوستىق ءۇيى – قوعامدىق كەلىسىم ورتالىعى» مەن «ۆيدەرگەبۋرت» نەمىس ەتنومادەني بىرلەستىگى بىرلەسىپ «تاۋبۇلاق» ەكوكەمپينگىن ۇدايى ۇيىمداستىرىپ كەلەدى.

ايتۋلى ەكولوگيالىق شاراعا قازاقستان حالقى اسسامبلەياسىنىڭ وبلىستىق حاتشىلىعى، دوستىق ءۇيى قىزمەتكەرلەرى، ەتنومادەني بىرلەستىك مۇشەلەرى، «جاڭعىرۋ جولى» شتابى، ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ قازاقستان حالقى اسسامبلەياسى كافەدراسى، كوكسۋ، قاراتال، ەسكەلدى اۋداندارىنداعى مادەني بىرلەستىكتەردىڭ وكىلدەرى بەلسەنى قاتىسىپ، شارانىڭ كوركىن قىزدىرعانىن بىلەمىز.

مۇنداي ماڭىزدى جيىندى وتكىزۋدەگى نەگىزگى ماقسات – جاس بۋىن وكىلدەرىن وتانسۇيگىشتىككە تاربيەلەۋ، پاتريوتتىق سەزىمىن قالىپتاستىرۋ، قازاق حالقىنىڭ تاريحىنا دەگەن قىزىعۋشىلىقتى ارتتىرۋ، جاستاردىڭ ومىردەگى ۇستانىمىنا قولداۋ كورسەتىپ، العا قويعان ماقسات-جوسپارلارىن جۇزەگە اسىرۋعا قولعابىس جاساۋ.

تاعىدا وقىڭىز:

https://dalanews.kz/43607