Abai oblysynda Damu Bala-ǵa qatysty alaiaqtyq áshkere boldy,- dep habarlaidy Dalanews.kz.
QMA Abai oblysy boiynsha departamenti balalar shyǵarmashylyǵyn damytýǵa arnalǵan "Damu Bala" platformasy arqyly memlekettik baǵdarlamany iske asyrýǵa bólingen biýdjet qarajatyn jymqyrý deregi boiynsha tergeýdi aiaqtady.
Tergeý barysynda "SAMGAU óner&sport mektebi" JShS direktory shyǵarmashylyq úiirmeler men sporttyq sektsiialardy jan basyna qarjylandyrý baǵdarlamasyn paidalana otyryp, balalardyń sabaqqa qatysýy jóninde jalǵan málimetter usynǵany anyqtalǵan.
Osy esepter negizinde ýákiletti organ tarapynan jumys istemeitin úiirmelerge memlekettik qarjy bólinip otyrǵan. Esep qujattarynda kórsetilgen keibir balalar shyn máninde sabaqtarǵa qatyspaǵan, tipti keibireýi ózderiniń bul baǵdarlamaǵa "qatysýshy" retinde tirkelgeninen múldem beihabar bolǵan.
Máselen, bir bala Almaty oblysynda turatynyna jáne eshbir úiirmege qatyspaitynyna qaramastan, Abai oblysynda beineleý óneri úiirmesiniń qatysýshysy retinde tirkelgen. Tergeý barysynda memleketke keltirilgen 23 mln teńge zalal kúdikti tarapynan tolyq óteldi.
Sot úkimimen ol kináli dep tanylyp, 6 jylǵa shartty túrde bas bostandyǵynan aiyryldy. Úkim zańdy kúshine engen joq.
