اباي وبلىسىندا Damu Bala-عا قاتىستى الاياقتىق اشكەرە بولدى،- دەپ حابارلايدى Dalanews.kz.
قما اباي وبلىسى بويىنشا دەپارتامەنتى بالالار شىعارماشىلىعىن دامىتۋعا ارنالعان "Damu Bala" پلاتفورماسى ارقىلى مەملەكەتتىك باعدارلامانى ىسكە اسىرۋعا بولىنگەن بيۋدجەت قاراجاتىن جىمقىرۋ دەرەگى بويىنشا تەرگەۋدى اياقتادى.
تەرگەۋ بارىسىندا "SAMGAU ونەر&سپورت مەكتەبى" ج ش س ديرەكتورى شىعارماشىلىق ۇيىرمەلەر مەن سپورتتىق سەكسيالاردى جان باسىنا قارجىلاندىرۋ باعدارلاماسىن پايدالانا وتىرىپ، بالالاردىڭ ساباققا قاتىسۋى جونىندە جالعان مالىمەتتەر ۇسىنعانى انىقتالعان.
وسى ەسەپتەر نەگىزىندە ۋاكىلەتتى ورگان تاراپىنان جۇمىس ىستەمەيتىن ۇيىرمەلەرگە مەملەكەتتىك قارجى ءبولىنىپ وتىرعان. ەسەپ قۇجاتتارىندا كورسەتىلگەن كەيبىر بالالار شىن مانىندە ساباقتارعا قاتىسپاعان، ءتىپتى كەيبىرەۋى وزدەرىنىڭ بۇل باعدارلاماعا "قاتىسۋشى" رەتىندە تىركەلگەنىنەن مۇلدەم بەيحابار بولعان.
ماسەلەن، ءبىر بالا الماتى وبلىسىندا تۇراتىنىنا جانە ەشبىر ۇيىرمەگە قاتىسپايتىنىنا قاراماستان، اباي وبلىسىندا بەينەلەۋ ونەرى ۇيىرمەسىنىڭ قاتىسۋشىسى رەتىندە تىركەلگەن. تەرگەۋ بارىسىندا مەملەكەتكە كەلتىرىلگەن 23 ملن تەڭگە زالال كۇدىكتى تاراپىنان تولىق وتەلدى.
سوت ۇكىمىمەن ول كىنالى دەپ تانىلىپ، 6 جىلعا شارتتى تۇردە باس بوستاندىعىنان ايىرىلدى. ۇكىم زاڭدى كۇشىنە ەنگەن جوق.
