Almaty oblysyndaǵy aýylda oqýshylar álimjettik kórgen. Oqiǵanyń videosy áleýmettik jelilerde tarap ketti,- dep habarlaidy Dalanews.kz.
Oqiǵa Almaty oblysy Ile aýdany Qaraoi aýylynda bolǵan.Kadrlardan birneshe oqýshy tizilip turǵany, olardy belgisiz bireý soqqyǵa jyǵyp jatqany kórinedi.
Almaty oblysy PD málimetinshe, áleýmettik jelilerge júrgizilgen monitoring nátijesinde kámeletke tolmaǵandar arasyndaǵy zańsyz áreketter beinelengen video anyqtalǵan.
"Oqiǵa 2024 jyly qyrkúiekte Ile aýdany Qaraoi aýylynda bolǵany belgili boldy. Bul derek boiynsha politsiiaǵa azamattardan aryz-shaǵym túsken joq. Qazir kámeletke tolmaǵan balaǵa dene jaraqatyn keltirý deregi boiynsha is tirkelip, sotaldy tergeý júrgizilip jatyr. Balalardy tárbieleý jónindegi mindetterin tiisinshe oryndamaǵany úshin quqyqbuzýshy jasóspirimniń jáne oqiǵany beinetaspaǵa túsirgen mektep oqýshysynyń zańdy ókilderi ákimshilik jaýapkershilikke tartyldy", - dedi politsiia.
Sonymen qatar, jasóspirimder profilaktikalyq esepke qoiylǵany belgili boldy.
"Kámeletke tolmaǵandar isteri jónindegi komissiiaǵa qosymsha yqpal etý sharalaryn qabyldaý týraly usynys engizildi. Kámeletke tolmaǵandar arasyndaǵy mundai zorlyq-zombylyq áreketteri qoǵamdyq tártip pen zańdylyq qaǵidalaryn óreskel buzý sanalady. Osy tárizdes quqyqbuzýshylyqtarǵa qatysy bar barlyq tulǵa zań aiasynda qatań jaýapkershilikke tartylady", - dep eskertti PD ókilderi
