Daǵdarys jaǵdailarynda basqarý ortalyǵynda tótenshe jaǵdailar ministri Syrym Sháriphanovtyń tóraǵalyǵymen Respýblikalyq jedel shtabtyń jumysy jalǵasýda, dep habarlaidy Dalanews.kz.
Jedel jeli telefondaryna azamattardan 800-den astam qońyraý kelip tústi. Almaty oblysynyń aýmaǵynda 19 obektige zaqym kelgen. Negizinen qabyrǵalarda jaryq paida bolǵan.
"Seismologiialyq baqylaýlar men zertteýlerdiń ulttyq ǵylymi ortalyǵy” JShS seismikalyq jaǵdaidy baǵalaýyna sáikes jaqyn arada Almaty aýmaǵynda 7 baldan asatyn jer silkinisi kútilmeidi", - delingen habarlamada.
Eske salaiyq, qańtardyń 22-sinen 23-ine qaraǵan túni Almatyda birneshe tolqynmen jer silkindi. Resmi málimet boiynsha alǵashqy dúmpýdiń amplitýdasy 5 ballǵa deiin jetken.
