Jambyl aýdanynda zańsyz paıdaly qazbalardy óndirý deregi anyqtaldy, dep habarlaıdy Dalanews.kz.

"Belgili bir aýmaqta kólemi shaǵyn kóldermen teń jyralar qazylǵany anyqtaldy", – dedi qadaǵalaýshy organ ókilderi.

Tekserý sharalary barysynda aýdanda ruqsatsyz paıdaly qazbalardy óndirýdiń jeti deregi áshkerelendi.

"Qorshaǵan ortaǵa zalal keltirý belgileri boıynsha sotqa deıingi tergeý bastaldy. Al qazba jumystaryna paıdalanylǵan tehnıka aıyppul turaǵyna qoıyldy", – dep atap ótti prokýratýra.

Aıta keteıik, jer qoınaýyn óz betinshe paıdalanǵany úshin múlkin tárkileýmen qosa bas bostandyǵynan aıyrý jazasy kózdelgen. Mundaı jaza quqyq buzýshylyqty qylmystyq top jasaǵan jaǵdaıda, erekshe qorǵalatyn tabıǵı aýmaqta nemese asa iri kólemde zalal keltirilgen kezde taǵaıyndalýy múmkin.