Almaty oblysynyń Qonaev qalasynda para alǵan túrme basshylyǵy sottaldy, dep habarlaidy Dalanews.kz.
Qonaev qalasynyń soty №57 QAJD mekemesiniń burynǵy bastyǵy P.Pisarev jáne №12 QAJD mekemesiniń jedel bóliminiń bastyǵy E. Bólekbaiǵa para alý isi boiynsha úkim shyǵardy.
Almaty oblysy prokýratýrasynyń arnaiy prokýrorlary jazasyn óteýdegi sottalǵandarǵa qamqor kórsetý jáne olarǵa tyiym salynǵan zattardy birneshe ret kedergisiz alyp ótý úshin para alǵanyn dáleldedi.
Sotpen tergeý barysynda jinalǵan dáleldemeler qarastyrylyp, P.Pisarev keltirilgen aiyppen kináli dep tanylyp, 9 jylǵa bas bostandyǵynan aiyryldy, al sottalýshy E.Bólekbai keltirilgen aiyppen kináli dep tanylyp, 3 jylǵa bas bostandyǵynan aiyrylyp, jazalaryn qylmystyq atqarý júiesiniń orta qaýipsiz mekemesinde óteý belgilendi.
