13 qarashada Almaty oblysynyń Uiǵyr aýdanynda shet memlekettik týdy jáne shet memleket basshylyǵynyń beinesin órtep, ózge de quqyqqa qaishy áreketter jasaǵandar anyqtalǵan. Bul týraly óńirdiń Politsiia departamenti málimdedi, dep habarlaidy Dalanews.kz.
Materialdardy sotta qaraý qorytyndysy boiynsha 12 adam QR ÁQBtK-niń 434-baby boiynsha ákimshilik jaýapkershilikke tartylyp, 15 táýlikke deiingi merzimge ákimshilik qamaýǵa alyndy.
Sonymen qatar, taǵy 6 qatysýshyǵa 20 AEK mólsherinde aiyppul salyndy.
"Bul derekke qatysty arazdyqty qozdyrý boiynsha qylmystyq is tirkeldi. Qajetti tergeý áreketteri júrgizilip jatyr", - dedi politsiia.
