Almaty oblysynda tárkilengen Lamborghini satyldy, dep habarlaıdy Dalanews.kz.

sauda.e-qazyna.kz derekterine sáıkes, elektrondy saýda barysynda Lamborghini Huracan markaly avtokólik satyldy. 2016 jyly shyǵarylǵan, jasyl tústi bul kóliktiń 2025 jylǵy qarashadaǵy naryqtyq quny baǵalaýshylar esebinde 114 mln teńge dep kórsetilgen.

Alaıda aýksıon qorytyndysy boıynsha sýperkar 66,5 mln teńgege ótti. Kóliktiń qozǵaltqysh kólemi - 5,2 lıtr, berilis qoraby - avtomat, janarmaı túri - benzın. Qujattamada avtokóliktiń tehnıkalyq pasporty men memlekettik nómirleri joq ekeni de kórsetilgen.

Atalǵan Lamborghini qylmystyq is aıasynda tárkilengen. Saýda-sattyq kezinde kólik Almaty oblysynyń aýmaǵynda bolǵan.