Aita keteiik, úsh azamatty izdeýshi top Jambyl aýdandyq IIB aldynda jinalǵan kezde politseiler bul habardy marqumdardyń týystaryna estirken. «Búgin tańerteń birneshe júz adam aýdandyq politsiia bólimine jinaldyq, sodan túske qarai politsiia basshylary olardyń súiekterin osydan 200 shaqyrymdai jerden tapqandaryn estirtti», — dedi marqumdardyń týysy Adal Zarlyhan.
Marqumdardyń árqaisysynyń artynda ekiden, úshten jas balalary, qart ata-analary qalǵan. Buǵan deiin atalǵan oqiǵaǵa qatysy bar degen kúdikpen eki adamnyń ustalǵany týraly Almaty oblystyq IID ókilderi habarlaǵan edi.
Eske salaiyq, Taldyqorǵan qalasyna jaqyn mańdaǵy Kóksý aýdanynyń 3 turǵyny Almaty jaqtaǵy Uzynaǵash bazarynda mal satamyz dep iz-tússiz joǵalyp ketken bolatyn. Al keshe olardyń ekinshi júk kóligi tabylǵan bolatyn. Jambyl aýdanyna qarasty Degeres aýylynyń mańynan ekinshi júk kóligi tabyldy.
