ايتا كەتەيىك، ءۇش ازاماتتى ىزدەۋشى توپ جامبىل اۋداندىق ءىىب الدىندا جينالعان كەزدە پوليسەيلەر بۇل حاباردى مارقۇمداردىڭ تۋىستارىنا ەستىركەن. «بۇگىن تاڭەرتەڭ بىرنەشە ءجۇز ادام اۋداندىق پوليسيا بولىمىنە جينالدىق، سودان تۇسكە قاراي پوليسيا باسشىلارى ولاردىڭ سۇيەكتەرىن وسىدان 200 شاقىرىمداي جەردەن تاپقاندارىن ەستىرتتى»، — دەدى مارقۇمداردىڭ تۋىسى ادال زارلىحان.
مارقۇمداردىڭ ءارقايسىسىنىڭ ارتىندا ەكىدەن، ۇشتەن جاس بالالارى، قارت اتا-انالارى قالعان. بۇعان دەيىن اتالعان وقيعاعا قاتىسى بار دەگەن كۇدىكپەن ەكى ادامنىڭ ۇستالعانى تۋرالى الماتى وبلىستىق ءىىد وكىلدەرى حابارلاعان ەدى.
ەسكە سالايىق، تالدىقورعان قالاسىنا جاقىن ماڭداعى كوكسۋ اۋدانىنىڭ 3 تۇرعىنى الماتى جاقتاعى ۇزىناعاش بازارىندا مال ساتامىز دەپ ءىز-تۇسسىز جوعالىپ كەتكەن بولاتىن. ال كەشە ولاردىڭ ەكىنشى جۇك كولىگى تابىلعان بولاتىن. جامبىل اۋدانىنا قاراستى دەگەرەس اۋىلىنىڭ ماڭىنان ەكىنشى جۇك كولىگى تابىلدى.
