Esterińizde bolsa, 2019 jylǵy 26 jeltoqsanda «Memlekettik qyzmet jáne sybailas jemqorlyqqa qarsy is-qimyl máseleleri boiynsha Qazaqstan Respýblikasynyń keibir zańnama aktilerine ózgerister men tolyqtyrýlar engizý týraly» Zań qabyldandy jáne oǵan Qazaqstan Respýblikasynyń Prezidenti qol qoidy.
Osy Zańnyń qabyldanýymen Qazaqstanda sybailas jemqorlyqqa qarsy kúrestiń jańa kezeńi bastaldy.
Budan bylai, saiasi memlekettik qyzmetshiler – ministrler men olardyń orynbasarlary, oblystardyń, Nur-Sultan, Almaty, Shymkent qalalary men oblys ákimderi men olardyń orynbasarlary, aýdandar ákimderi olardyń tikelei baǵynyshty qyzmetkerleri sybailas jemqorlyq quqyq buzýshylyq jasasa mindetti túrde otstavkaǵa shyǵýǵa suraný kerek.
«Jańa zańǵa sáikes, birinshi basshy onyń tikelei baǵynyshty tulǵasyna qatysty sottyń aiyptaý úkimi kúshine engennen soń kúntizbelik 10 kún ishinde nemese aqtalmaityn negizder boiynsha qylmystyq is toqtatylǵannan keiin otstavkaǵa ketýge mindetti»,-dedi Qazaqstan Respýblikasy Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmet) Almaty oblysy boiynsha departament basshysy Ernar Abseiituly.
Sondai-aq zańda tikelei baǵynyshtylarda kórsetilgen:
- ortalyq memlekettik organnyń basshysy (ministr) úshin – bul onyń orynbasarlary, jaýapty hatshy nemese apparat basshysy, aimaqtyq bólimshelerdiń basshylary;
- oblys, respýblikalyq mańyzy bar qalalar, astana ákimi úshin – onyń orynbasarlary, apparat basshysy, aýdannyń (oblystyq mańyzy bar qalanyń) ákimi;
- ortalyq memlekettik organ basshysynyń orynbasary (vitse-ministr) onyń qaramaǵyndaǵy bólimshe nemese táýelsiz qurylymdyq bólimshe basshysy sybailas jemqorlyq qylmys jasaǵan kezde qyzmetinen ketedi;
- oblys ákiminiń orynbasary jergilikti biýdjetten qarjylandyrylatyn atqarýshy organdardyń basshylaryna jaýap beredi;
- Aýdan ákimi óziniń orynbasarlaryna, apparat basshysyna, jetekshilik etetin aýdandyq atqarýshy organdardyń basshylaryna, aýyl, kent, aýyldyq okrýgterdiń ákimderine jaýap beredi.
Aita ketý kerek, «Memlekettik qyzmet týraly» Zańǵa sáikes, memlekettik qyzmetshini osy laýazymǵa taǵaiyndaǵan laýazymdy tulǵaǵa ornynan ketý týraly ótinish jiberiledi.
Otstavkany qabyldaý nemese qabyldamaý – bul saiasi qyzmetkerdi qyzmetke taǵaiyndaǵan adamnyń quzyreti.
Sybailas jemqorlyqqa qarsy qyzmettiń óziniń 1424 bailanys ortalyǵy bar. Ortalyq táýlik boiy sybailas jemqorlyq faktileri, onyń ishinde jasalǵan nemese jasalatyn quqyq buzýshylyqtar týraly, sondai-aq kásipkerlik qyzmetke kedergi keltiretin jaǵdailar týraly telefon habarlamalaryna jaýap beredi.
Anar SABYROVA
