12 tamyzda sý asty izdestirý jumystary barysynda ekipajdyń úshinshi múshesiniń denesi tabyldy, dep habarlaidy Dalanews.kz.
"12 tamyzda ekipaj komandiriniń kómekshisi kapitan Aman Nurlanuly Amangeldiniń denesi tabyldy. Tájiribeli ushqysh. Ol kúrdeli meteorologiialyq jaǵdailarda birneshe márte ushyp jattyqqan. Túrli aýqymdaǵy jattyǵýlar men operatsiialarǵa qatysqan. Joǵary oryndaýshylyq tártibimen jáne minsiz qyzmettik bedelimen erekshelengen", - dep jazylǵan habarlamada.
Vedomstvo málimetinshe, EC-145 tikushaǵyndaǵy ushý ýaqyty - 295 saǵat.
Qaza tapqan ushqyshtardyń úsheýi de Áýe qorǵanysy kúshteri áskeri institýtynyń túlegi.
"Akvatoriiany jáne oǵan irgeles aýmaqty zertteý boiynsha izdestirý sharalary jalǵasa bermek. Osyǵan sáikes tikushaq bólikterin anyqtaý jáne jaǵaǵa shyǵarý jumystary júrgizilip jatyr. Apattyń sebepterin anyqtaý úshin tergeý júrgizilip jatyr", - dep jazylǵan habarlamada.
25 shildede Almaty oblysynda EC-145 áskeri tikushaǵy radardan joǵalyp ketti. 26 shildede tikushaqtyń synyqtary Sorbulaq kólinen tabyldy.
