Almaty oblysynda politseilerdi balaǵattaǵan kúdiktilerge qatysty qylmystyq is qozǵaldy, – dep habarlaidy Dalanews.kz.
IIM baspasóz qyzmeti málimetinshe, Talǵar aýdanynyń politseileri qyzmettik mindetin atqarý kezinde bilik ókilin qorlaý deregi boiynsha qylmystyq isti tirkedi. Aýdan ortalyǵy qala mańyndaǵy saiajailardyń birine shý men aiqaiǵa alańdaǵan jergilikti turǵyndardyń shaqyrýyna ýchaskelik politsiia inspektory kelgen. Óz mindetin atqaryp jatqanda quqyqbuzýshylar tártip saqshysyn balaǵattaǵan.
Kýágerlerdiń aitýynsha, er azamattar ózderin agressivti ustap, quqyq qorǵaý organdarynyń qyzmetkerine dóreki sóilegen. Kómekke kelgen patrýldik ekipaj kúdiktilerdi jedel ustap alyp, politsiia bólimshesine jetkizgen.
Qazir tergeý jalǵasyp, bolǵan oqiǵanyń mán-jaiy anyqtalyp jatyr. Tártip saqshylary azamattardy qoǵamdyq tártipti saqtaýǵa jáne azamattardyń qaýipsizdigin qamtamasyz etetin quqyq qorǵaý organdarynyń ókilderine qurmetpen qaraýǵa shaqyrady.
Bilik ókilin qorlaý – aiyppuldar, túzetý jumystary nemese bas bostandyǵynan aiyrý jazasy qarastyrylǵan aýyr quqyqbuzýshylyq sanatyna jatady.
