Almaty oblysynda ishimdikke sylqıa toıyp alǵan polıseı qyzmetkeri kóligimen alty jasar balany basyp ketip, oqıǵa ornynan izin sýytqan, dep habarlaıdy Dalanews.kz
Oqıǵa 4 shilde kúni keshki saǵat toǵyzǵa qaraı Almaty oblysyna qarasty Kókózek aýylynda bolǵan. Kýágerlerdiń aıtýynsha, rólde ýchaskelik polısıa ınspektory otyrǵan. Ol kóligin artqa qaraı júrgizip kele jatyp, kóshede oınap júrgen balany qaǵyp ketken.
Áleýmettik jelige taraǵan vıdeoda balany kólikpen basyp ótken júrgizýshiniń tipti aıaldap, jaǵdaıdy anyqtaýǵa nıet tanytpaǵany anyq kórinedi. Ol sol boıda gazdy basyp, izin jasyrǵan.
Almaty oblysynyń polısıa departamenti oqıǵaǵa qatysty resmı túsinikteme berip, kúdiktiniń kim ekenin áli naqtylamady. Biraq oblystyq polısıanyń barlyq jeke quramy kúdiktini izdeýge jumyldyrylǵanyn habarlady.
Qazir oqıǵa ornynan qashyp ketken ınspektorǵa qatysty jedel izdestirý sharalary bastaldy. Ázirge zardap shekken balanyń jaǵdaıy týraly aqparat joq. Oqıǵanyń egjeı-tegjeıin quzyrly organdar tekserip jatyr.
