Almaty oblysynda para alǵan sýdia da, para bergen adam da sottaldy
17 qańtarda Almaty oblysynyń Mamandandyrylǵan aýdanaralyq ekonomikalyq sotynyń sýdiasy Abdrahmanovqa jáne basqa da adamdarǵa qatysty úkim shyǵaryldy. Sýdianyń zańsyz qyzmetin buǵan deiin Sybailas jemqorlyqqa qarsy qyzmet Joǵarǵy Sotpen birlesip toqtatqan.
Abdrahmanov Qarasai aýdany Memlekettik kirister basqarmasynyń Óndirip alý bóliminiń basshysy Asilbekovtiń kómegimen eki JShS-ti bankrot dep tanyǵany úshin kásipkerden para aldy dep aiyptaldy.
Qonaev qalalyq sotymen Abdrahmanov 4 jyl merzimge bas bostandyǵynan aiyryldy. Asilbekovke 122,5 mln teńge aiyppul túrinde jaza taǵaiyndaldy. Para berýshi 3 jyl 6 ai merzimge bas bostandyǵynan aiyrýǵa sottaldy.
Sottalǵandar ómir boiy memlekettik qyzmette qyzmet atqarý quqyǵynan aiyrylady. QR QK 41-babyna sáikes aiyppul belgilengen merzimde tólenbegen jaǵdaida jaza sharasy bas bostandyǵynan aiyrýǵa aýystyrylady. Sot úkimi zańdy kúshine engen joq.
Sýret: Tengrinews.kz
