Almaty oblysynda oqýshylarǵa orynsyz áreket kórsetken muǵalim jumystan bosatyldy. Bul týraly óńir ákimdigi málimdedi, dep habarlaidy Dalanews.kz.
Áleýmettik jelide matematika páni muǵaliminiń oqýshylardy urǵan sáti túsirilgen beinejazba taraǵan. Artynsha bilim bólimi tekseris júrgizdi.
“Oqiǵa 2024 jyldyń qyrkúieginde Qarasai aýdanynda 9-synyp oqýshylary arasynda bolǵan. Tekseristiń qorytyndysy boiynsha aýdandyq bilim bólimi matematika pániniń muǵalimin qyzmetinen bosatý týraly sheshim qabyldady”, – delingen resmi málimdemede.
Pedagog 2025 jyly 30 qyrkúiekte jumystan shyǵarylǵan. Ákimdik ókilderiniń aitýynsha, qazir qajetti sharalar qabyldanyp, profilaktikalyq jumystar júrgizilýde.
Beinejazbada muǵalimniń sabaq ústinde oqýshylardy urǵany baiqalady. Sondai-aq kadr syrtynan bir oqýshynyń: “Apai, mine sizdiń telefonyńyz!” degen daýysy estiledi.
