Almaty oblysynda 16 jasqa tolmaǵan tulǵamen jynystyq qatynas jasaý faktisi boiynsha qylmystyq is qozǵalyp, tergeý amaldary júrgizilip jatyr, dep habarlaidy Dalanews.kz.
Óńirlik Politsiia departamentiniń habarlaýynsha, kúdiktilerdiń sheńberi anyqtalyp, olardyń ekeýi ustalyp, ýaqytsha ustaý izoliatoryna qamalǵan.
"Qalǵan kúdiktilerge qatysty qajetti tergeý áreketteri júrgizilip jatyr", – dep málimdedi vedomstvonyń baspasóz qyzmeti.
Aiyptyń aýyrlyǵy men istiń qoǵamda keń rezonans týdyrýyna bailanysty tergeý oblys ortalyǵyna berildi. Politsiia basshylyǵynyń tikelei tapsyrmasymen oqiǵanyń barlyq mán-jaiyn tolyq ári jan-jaqty anyqtaý úshin arnaiy tergeý-jedel toby qurylǵan.
