Almaty oblysynda memlekettik rámizderdi dalaǵa tastaǵan belgisiz tulǵalarǵa qatysty qylmystyq is qozǵaldy, dep habarlaidy Dalanews.kz.
Álemjelide qoqysta jatqan rámizderdiń videosy tarady. Avtordyń aitýynsha, video Talǵar aýdanyndaǵy Erkin aýylynda túsirilgen.
"Bul – tek zań buzýshylyq emes, elimizge jáne onyń rámizderine kórsetilgen qurmetsizdik. Biz memlekettik organdarǵa júginip, tergeý bastaýyn jáne kinálilerdi anyqtaýyn talap etemiz. Sonymen qatar mundai jait endi qaitalanbaýy kerek", – dedi avtor.
Jeli qoldanýshylary da bolǵan jaǵdaiǵa narazylyq bildirip, memlekettik rámizderdi joiýdyń arnaiy tártibi bar ekenin eskertti.
Talǵar aýdany ákimdigi bul oqiǵa jekemenshik qoqys poligonynda, Qainar aýyldyq okrýginde bolǵanyn málimdedi. Rámizder qoqystan shyǵarylǵany da aityldy.
“Jergilikti atqarýshy organ qyzmetkerleri qoqys ornyn tekserip, memlekettik rámizdermen birge kolledj qujattaryn tapty. Rámizder qoqystan shyǵarylyp, joiý jumystary memlekettik standarttarǵa sáikes júrgiziledi,” – delingen ákimdik málimdemesinde.
Sonymen qatar, vedomstvo ókilderi rámizderdiń Talǵar aýdanyndaǵy mekemelerge tiisti emestigin habarlady.
Qazirgi ýaqytta politsiia qylmystyq is qozǵap, kinálilerdi anyqtaý jumystaryn jalǵastyrýda.
Memlekettik rámizderdi qorlaý deregi boiynsha qylmystyq is qozǵaldy. Qazir Talǵar aýdandyq politsiia qyzmetkerleri mán-jaidy anyqtaý úshin tiisti sharalar qabyldap jatyr. Kinálilerge qatysty tiisti shara qoldanylady, – delingen politsiia habarlamasynda.
