16 qabatty alyp ǵimaratqa ornalasqan IT-park 360 sharshy/metr aýmaqty alyp jatyr. Munda fablab, oqý klasy jáne kitaphana jumys isteidi. Bólmeler keń ári jaryq. Jastardyń alańsyz bilim alýyna barlyq jaǵdai jasalǵan.
Jańa nysannyń ashylý saltanatynda sóz alǵan Amandyq Batalov IT-parktiń ashylýy jedel tsifrlandyrý isin qolǵa alǵan oblys úshin asa mańyzdy shara ekenin tilge tiek etti.
– Men mundai tehnoparkty eń alǵash ret Qazan qalasyna jumys saparymen barǵanymda kórgen edim. Endi mine, Jetisý jerinde daryndy jastardyń bastamasymen zamanaýi tehnoparkti ashyp otyrmyz.
Jastar usynys aitqanda bizder arnaiy oryn usyndyq, jalyndy jastar bolsa qysqa merzim ishinde tehnoparkti jabdyqtady. Osylaisha, ákimdik pen jas talanttar tize qosyp qalamyzda jastarǵa IT tehnologiianyń qyr-syryn úiretetin ortalyq ashyldy.
Bul taldyqorǵandyq jastar úshin úlken múmkindik. Qalamyzda ideiasy bar jastar kóp.
Biraq olar IT salasyndaǵy oilaryn iske asyrý úshin túrli qural-jabdyqtarǵa qol jetkize almai júrgeni jasyryn emes. Endigi jerde jastarymyz IT-parkke kelip, mundaǵy zamanaýi jabdyqtardy paidalanyp, kókeide júrgen ideialaryn tolyqtai iske asyryp, ózderiniń arman-maqsattaryn ushtaityn bolady.
Aldaǵy ýaqytta jastar jańa tehnologiialardyń qyr-syryn meńgerip, úlken jetistikterge jetetinine senimdimin. Biz zaman kóshinen qalmai, alǵa qadam basýymyz kerek. Qazir búkil álem tsifrlandyrý tehnologiiasyna kóship jatyr.
Esterińizde shyǵar, buryndary Taldyqorǵan kóshelerinde bar bolǵany jiyrmaǵa jýyq beinebaqylaý kamerasy jumys isteitin-di. Al qazir olardyń sany toǵyz júzden asady. Bizder aldaǵy ýaqytta munymen shektelmeimiz.
Bizder Taldyqorǵan qalasyn «Smart cityge» ainaldyratyn bolamyz. Oǵan jastar da óz úlesin qosatynyna senimdimin. Qaladaǵy tsifrlandyrý isin qarqyndy júrgizý úshin internet kolledj salýdy josparlap otyrmyz. Munyń bári bolashaq urpaqtyń qamy úshin qolǵa alynyp jatqan tirlikter.
Sol sebepti «Jetysý Hub» tehnoparki aldaǵy ýaqytta oblysymyzda IT salasyn órkendetýde kóshbasshy ortalyqqa ainalatyny anyq, – dep oblys ákimi jastarǵa aqjarma tilegin arnady.
«Jetysý Hub» tehnoparktiń robototehnika, vorkshop, 3D modeldeý jáne kvantoriým kabinetteri qazirdiń ózinde oqýshylar men stýdentterge lyqa toly.
Jastardyń bári kompiýterdiń kómegimen ózderiniń oiyndaǵy isterin júzege asyrýda. Olardy áńgimege tartqanymyzda jastar bos ýaqyttaryn «Jetysý Hub» tehnoparkinde ótkizýdiń óte paidaly ekenin aitty.
Jiyn barysynda «Jetysý Hub» tehnoparkin uiymdastyrýshylar fablab bólmesinde oblys basshysyna energiia únemdegish shamdardy kórsetip, ony halyqtyń jappai tutynýynyń mańyzy jaiynda aityp berdi.
Sondai-aq Taldyqorǵan qalasynyń turǵyndary bul jerde kásipkerliktiń qyr-syryn meńgerip, zań men býhgalterlik sala boiynsha biliktiligin jetildirýge bolady. Mundaǵy mamandar tehnoparkke kelýshilerge bárin túsindirip, barynsha kómek kórsetedi.
Sonymen qatar «Jetysý Hub» tehnoparkinde talantty jastar ózderiniń jobalaryn tanystyryp, qalalyq jáne respýblikalyq deńgeide konferentsiialar uiymdastyrýyna barlyq múmkindik qarastyrylǵan.
«Jetysý Hub» tehnoparki aldaǵy ýaqytta jastardyń ekologiia jáne áleýmettik sala boiynsha túrli jobalaryn daiyndap, ainalasyna paidasyn tigizýge baǵyttaýdy aldaryna maqsat etip qoiyp otyr.
Ainur JUMAHAN
