Almaty oblysynda qaiǵyly oqiǵa boldy. Tótenshe jaǵdailar ministrliginiń habarlaýynsha, Úmbetáli aýylyndaǵy sý aidynynda oiyn oinap júrgen tórt jasóspirim muzdyń ústine shyqqan. Alaida muzdyń juqalyǵy saldarynan olardyń barlyǵy sýǵa túsip ketken, dep habarlaidy Dalanews.kz.
Oqiǵa ornyna qutqarýshylar jedel jetken. Alǵash bolyp kómekke kelgen balyqshy úsh balany sýdan aman alyp shyqqan. Tórtinshi jasóspirimdi qutqarý múmkin bolmady. Onyń denesin keiin súńgýirler sýdan shyǵaryp, politsiia qyzmetkerlerine tapsyrdy.
Qazirgi ýaqytta oqiǵanyń mán-jaiy anyqtalyp jatyr. Qutqarýshylar azamattardy muzdyń beriktigine kóz jetkizbei, sý aidyndaryna shyqpaýǵa shaqyrady.
