Eńbekshiqazaq aýdany joǵary týrısik áleýetke ıe. Aýdanda 15 týrıserdi qabyldaıtyn oryn bar, onda ótken jyly 12,5 myńnan astam kelýshilerge qyzmet kórsetildi. Bul 2020 jylmen salystyrǵanda 2 esege kóp.  Osydan eki jyl buryn bul kórsetkish 6,2 myń adamdy qurǵan edi, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

– Kórsetilgen týrısik-saýyqtyrý qyzmetteriniń kólemi 2020 jylmen salystyrǵanda 3 ese ósip, 126,5 mln teńgeni qurady. Kólsaı kóline keletin týrıser sany, QR Mádenıet jáne sport mınıstrliginiń málimeti boıynsha, 160 myń adamdy quraıdy, ıaǵnı, aýdannyń týrısik áleýetin keńeıtý boıynsha tıisti jumystardy uıymdastyrý qajet, – deıdi Almaty oblysynyń ákimi Marat Sultanǵazıev.

Aıta keteıik, búgingi kúni «Qazaq Týrızm» AQ kompanıasy İle-Alataý ulttyq tabıǵı parki aýmaǵyndaǵy «Túrgen» iri taý shańǵy kýrortynyń ınvestısıalyq jobasyn iske asyrý maqsatynda aldyn ala tehnıkalyq-ekonomıkalyq negizdeme ázirleýde.

Sol sebepti aımaq basshysy aımaqtaǵy jaýaptylarǵa úkimettiń is-qımyl baǵdarlamasy sheńberinde ony qazaqstandyqtar men sheteldik qonaqtar arasynda tanymal etý maqsatynda Esik vızıt-ortalyǵyn salý jóninde usynystar engizip, belgilengen merzimde josparlanǵan barlyq nysandardyń  qurylysy men rekonstrýksıasynyń aıaqtalýyn erekshe baqylaýǵa alýdy tapsyrdy.