– Kórsetilgen týristik-saýyqtyrý qyzmetteriniń kólemi 2020 jylmen salystyrǵanda 3 ese ósip, 126,5 mln teńgeni qurady. Kólsai kóline keletin týrister sany, QR Mádeniet jáne sport ministrliginiń málimeti boiynsha, 160 myń adamdy quraidy, iaǵni, aýdannyń týristik áleýetin keńeitý boiynsha tiisti jumystardy uiymdastyrý qajet, – deidi Almaty oblysynyń ákimi Marat Sultanǵaziev.
Aita keteiik, búgingi kúni «Qazaq Týrizm» AQ kompaniiasy Ile-Alataý ulttyq tabiǵi parki aýmaǵyndaǵy «Túrgen» iri taý shańǵy kýrortynyń investitsiialyq jobasyn iske asyrý maqsatynda aldyn ala tehnikalyq-ekonomikalyq negizdeme ázirleýde.
Sol sebepti aimaq basshysy aimaqtaǵy jaýaptylarǵa úkimettiń is-qimyl baǵdarlamasy sheńberinde ony qazaqstandyqtar men sheteldik qonaqtar arasynda tanymal etý maqsatynda Esik vizit-ortalyǵyn salý jóninde usynystar engizip, belgilengen merzimde josparlanǵan barlyq nysandardyń qurylysy men rekonstrýktsiiasynyń aiaqtalýyn erekshe baqylaýǵa alýdy tapsyrdy.
