Almaty oblysynda ekonomika serpin berip, jańa jobalar iske asýda, - dep habarlaidy Dalanews.kz.
«2024 jyldyń birinshi jartyjyldyǵynda Almaty oblysynda ekonomikalyq ósim kórsetkishi aitarlyqtai jaqsy kórsetkishke jetti. Barlyq negizgi salalarda oń dinamika saqtaldy, iri infraqurylymdyq jobalardy iske asyrý, jańa mektepter salý jáne avtomobil joldaryn jóndeý jalǵasýda, óńirdiń investitsiialyq áleýeti artýda. Degenmen alda kóptegen mindet tur. Olardyń ishindegi eń bastysy – ekonomikanyń ósý qarqynyn saqtaý jáne óńir halqynyń ómir súrý sapasyn jaqsartý, – dep atap ótti ákimdik otyrysynda Almaty oblysynyń basshysy Marat Sultanǵaziev.
Oblys ákiminiń orynbasary Rýstam Isataev óńirdiń aǵymdaǵy jaǵdaiy men damý jolyna egjei-tegjeili taldaý jasady. Ol qysqa merzimdi ekonomikalyq indikatordyń 108,2% quraǵanyn, bul óńirge respýblikada 5-shi oryndy ielenýge múmkindik bergenin atap ótti.
Aýyl sharýashylyǵy (106,4%, 192,2 mlrd teńgege óndiris) jáne ónerkásip (105,2%, 884,3 mlrd teńgege ónim shyǵarý) ekonomikanyń kóterilýine eleýli úles qosty. Óńirdiń investitsiialyq múmkindigi arta túsýde. Investitsiialardyń ósimi ótken jylmen salystyrǵanda 21% -dy qurady.
Óńdeý ónerkásibinde 3,6% ósim baiqalady, metall buiymdarynyń, elektr jabdyqtarynyń, qaǵaz ónimderiniń jáne jeńil ónerkásip taýarlarynyń óndirisi artty. Alaida himiia ónerkásibinde, rezeńke jáne plastmassa buiymdaryn óndirýde, sondai-aq 18 júie quraýshy kásiporynnyń 5-de kórsetkishterdiń tómendeýi baiqalady.
"Kásiporyndarmen jaǵdaidy jaqsartý úshin júieli jumys júrgizilýde. Mysaly, memleket qosymsha energetikalyq qýattardy alýǵa qoldaý kórsetedi, bul bolashaqta olardyń óndiris qýatyn arttyrýǵa múmkindik beredi. Osylaisha, «Aziia Agro-Fýd» zaýyty qytailyq kompaniialarmen daiyn ónimdi jetkizý boiynsha eki iri kelisimshartqa qol qoiyp, onyń óndiristik júktemesin 50%-dan 75%-ǵa deiin arttyrdy. Zaýyttyń úzdiksiz jumysyn qamtamasyz etý úshin memlekettik-jekeshelik áriptestik sheńberinde jańa qosalqy stansa salý josparlanýda".
Óz sózinde Rýstam Isataev biyl óńdeý ónerkásibinde 205 milliard teńgege 16 joba iske asyp jatqanyn atap ótti. Aýyl sharýashylyǵynda óndiristiń ósýinen basqa investitsiialar belsendi túrde tartylýda. 79,3 milliard teńgege 22 jobany iske asyrý josparlanýda. Aýyl turǵyndaryna óz biznesin ashýǵa jáne jumys oryndaryn qurýǵa múmkindik beretin «Aýyl amanaty» baǵdarlamasyna erekshe nazar aýdarylýda. Alaida oblys basshysynyń pikirinshe, baǵdarlama aiasynda tolyq qýatynda jumys istemeitin bordaqylaý keshenderi men sút-taýar fermalaryn jumysqa qosý qajet.
Qurylys salasynda turaqty ósim baiqalady. Jumys kólemi 14,5%-ǵa artyp, 110,4 mlrd teńgege jetti. Turǵyn úidi paidalanýǵa berý aitarlyqtai ulǵaityldy, 600 myń sharshy metrge jýyq úi salyndy. Áleýmettik osal toptar úshin 21 milliard teńgege 1304 páter satyp alý josparlanýda. Jalpy osyndai oń úrdiske qaramastan, keibir aýdandarda ekonomikalyq ósý boiynsha josparly kórsetkishterge qol jetkizilmedi. Osy oraida oblys basshysy aýdan ákimderine turaqty ósýdi qamtamasyz etý jáne josparlanǵan kórsetkishterge qol jetkizý úshin barlyq múmkindikti paidalaný jóninde tapsyrma berdi.
