Qazaqstanda ekinshi atom elektr stansıasyn (AES) salý týraly sheshim qabyldandy, dep habarlaıdy Dalanews.kz.
Úkimettiń tıisti qaýlysy 2026 jylǵy 26 qańtarda qabyldanyp, normatıvtik quqyqtyq aktilerdiń aqparattyq-quqyqtyq júıesi "Ádilet" portalynda jarıalandy. Qujatqa sáıkes, "Ekinshi atom elektr stansıasy" ıadrolyq qondyrǵysynyń qurylysy Almaty oblysynyń Jambyl aýdanynda júzege asyrylady. Qaýly qol qoıylǵan sátten bastap zańdy kúshine endi.
Eske sala keteıik, 2025 jylǵy 25 aqpanda eldegi alǵashqy AES salynatyn aýmaq ta osy Jambyl aýdany retinde bekitilgen edi. Joba sheńberinde fransýzdyq ınjınırıńtik Assystem kompanıasynyń qoldaýymen reaktorlyq tehnologıalar men áleýetti vendorlardyń usynystaryn keshendi baǵalaý ádistemesi ázirlendi.
Halyqaralyq konsorsıým quramyna Reseı, Qytaı, Fransıa jáne Ońtústik Koreıanyń kompanıalary endi. 2025 jylǵy 14 maýsymda alǵashqy AES qurylysy boıynsha konsorsıýmnyń jetekshisi anyqtalyp, birinshi oryn reseılik Rosatom kompanıasyna berildi. Qytaılyq kompanıa ekinshi orynǵa, al fransýz jáne ońtústikkoreıalyq kompanıalar úshinshi orynǵa jaıǵasty.
