BAQ pen áleýmettik jelilerde Almaty oblysynda birneshe adam jetim qyzdy zorlap, videoǵa túsirgeni týraly aqparat tarady, dep habarlaidy Dalanews.kz.
Jantúrshigerlik jaǵdaiǵa bala quqyqtary jónindegi ýákil Dinara Zákieva pikir bildirdi.
"Jeti kámeletke tolmaǵan bala anyqtaldy. Tergeý júrip jatyr. Aimaqtyq bala quqyqtary jónindegi ýákil men psihologiialyq qoldaý ortalyǵynyń qyzmetkerleri dúisenbiden bastap oqiǵa ornynda jumys istep jatyr", - dep jazdy Dinara Zákieva.
Aita keteiik, oqiǵa Jambyl aýdanyndaǵy Qarǵaly aýylynda bolǵan. Bul derek boiynsha qylmystyq is qozǵaldy. Qazir oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
