Áleýmettik jeliler men messendjerlerde Almaty oblysy Úlken aýylynda atom elektr stantsiiasynyń (AES) qurylysy bastalǵany týraly jalǵan aqparat taralyp jatyr. Oblys ákimdigi bul aqparatty joqqa shyǵardy, - dep habarlaidy Dalanews.kz.
Beĭnerolikte, boljam boĭynsha, “Google Maps” onlaĭn servisy arqyly qurylys obektileri kórsetiledi. Ondaǵy nysandardyń Atom elektr stansasy ekeni shyndyqqa janaspaĭdy.
Beĭnejazbada kórsetilgen nysan 2011 jyly Balqash jylý elektr ortalyǵy (JES) qurylysy jobasyn júzege asyrý kezinde salynǵan infraqurylym.
Joba kómirmen jumys isteĭtin jylý elektr stantsiiasynyń qurylysyn qamtydy. Joba aiasynda tiisti infraqurylymnyń, sonyń ishinde jumysshylarǵa arnalǵan turǵyn kenttiń qurylysy bastaldy.
2014 jyly «Balqash jylý elektr ortalyǵy» jobasyn júzege asyrý toqtatyldy.
Onlaĭn-servistiń kartografiialyq derekterine túzetýler engizý jáne jalǵan aqparattyń odan ári taralýyna jol bermeý úshin Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligine (TsDIAÓM) ótinim jiberildi.
Eske salaiyq, AES-ke qatysty referendým 6 qazanda ótedi.
