– «Rýhani qazyna» kishi baǵdarlamasy aiasynda óńirde 243 mádeniet úii kúrdeli jóndeýden ótkizilip, onyń 7-eýine ótken jyly, 13-ine biylǵy jyly jobalaý-smetalyq qujat ázirlendi. «Týǵan jer» jobasy sheńberinde ótken jyly jalpy somasy 17,7 milliard teńge bolatyn 193 joba júzege asyrylsa, «Otanym – taǵdyrym» baǵdarlamasymen 397,3 million teńgelik 16 joba, «Ólketaný» baǵdarlamasymen 24,4 million teńgelik 8 joba, «Sanaly azamat» baǵdarlamasymen 456,7 million teńgelik 16 joba iske asty.Olardyń qatarynda «Batyr babalar» memorialdy mýzeii (465 mln teńge) men Tuńǵysh Prezident – Elbasynyń «Atameken» tarihi-mádeni ortalyǵy da salynyp, iske qosyldy, – dedi Almaty oblysynyń ákimi Amandyq Batalov.
Sonymen qatar oblys ákimi áleýmettik mańyzdy jobalarǵa erekshe toqtalyp ótildi.
«BN INVEST» qarjylyq-óndiristik holdingi Qarasai aýdany Shamalǵan aýylynda halyqtyń áljýaz toptarynyń qataryndaǵy otbasylaryna 160 mln teńgege 17 turǵyn úi salyp berdi. Al Eńbekshiqazaq aýdany Ashybulaq aýylyndaǵy qaraýsyz qalǵan saiabaq qaita jańǵyrtylyp, balalar alańy men fýtbol alańy jasaldy. Bul iske joǵary tehnologiialy kókónis pen jemis-jidek ósirýmen ainalysatyn «Amal Bio» JShS jetekshisi, kásipker Asqar Sabirov 30 mln teńge jumsady.
«ABM Group» JShS direktorlar keńesiniń tóraǵasy, metsenat Azamat Moldaqasymov Balqash aýdanynda birqatar irgeli isterge muryndyq boldy: bastaýysh mektep, balalar alańy salyndy, aýylishilik joldar jóndelip, jaryqtandyrý júieleri júrgizildi. Jalpy alǵanda, kásipker Boiaýly aýylyn kórkeitýge 650 mln teńgeden astam qarjy quidy.
Belgili metsenat, «Jer-Sý» korporatsiiasynyń prezidenti Baýyrjan Ospanov jastardy qoldaý men biznesti damytýǵa barynsha járdemdesip keledi.
«Bastau Samp» seminarynyń sheńberinde Alakól aýdanynda 12 jas kásipkerdiń úzdik startaptary kásipkerdiń 1 mln teńgege deiingi grantyn iemdendi.
Sondai-aq oblys ákimi «Rýhani jańǵyrý» baǵdarlamasy boiynsha atqarylǵan qyzyqty is-sharalardyń biri retinde «Jetisý 360 ̊» virtýaldy jobasyn atap ótti. Árbir paidalanýshy osy joba arqyly úiden shyqpastan aimaqtaǵy barlyq murajai eksponattarynyń qyzyqty álemine saiahat jasaýǵa múmkindik alyp otyr. Sondai-aq álemdik deńgeidegi eń myqty telearnalardyń qatysýymen Jetisýdyń kieli jerleri jaily beinerolikter túsirilip, eskertkishterdiń elektrondy kartasy jasaldy. Zamanaýi aqparattyq tehnologiialardy engizý kez kelgen sapardyń logistikasyna aitarlyqtai jeńildik beredi.
Aita ketý kerek, ólke tarihyn tanystyratyn «Kieli oryndardyń elektrondy kartasy» jasalyp, oǵan aimaq aýmaǵyndaǵy 2343 eskertkish kirse, bulardyń ishinen 58 nysan iriktelip alynyp, 17-sine respýblikalyq, 41-ine aimaqtyq mártebe berilgen.
Baljan QAIRATQYZY, tilshi.
