Aitalyq aýdandaǵy dárigerlerlik ambýlatoriia kópten jóndeý kórmegen edi. Turǵyndarǵa tiisti meditsinalyq kómek kórsetetin nysannyń jóndeý jumysyna 121 mln teńge qarajat bólingen.
Qoldanysqa berilgennen keiin meditsinalyq pýnktige em-dom jasaýǵa qajetti qural-jabdyqtar satyp alynady.
Budan bólek aýdanǵa qarasty Qyzyltoǵan aýylynda salynyp jatqan 120 oryndyq orta mekteptiń qurylysy aiaqtalyp, osy oqý jolynda ashylǵaly otyr.
Budan bólek Ainabulaq aýylyndaǵy negizgi kóshege tas jol tóseledi. Bul maqsatqa 19 mln. teńge qarjy qarastyrylǵan. Aýyldaǵy Mádeniet úiiniń janynan felsherli akýsherli pýnkt ashylady. Kúnine 20 turǵynǵa meditsinalyq kómek kórsetetin ortalyqtyń qurylys jumysyna 181 mln teńge qarjy bólingen.
«Jumyspen qamtýdyń jol kartasy» memlekettik baǵdarlamasy aiasynda aýdandaǵy 5 mektepke kúrdeli jóndeý júrgizilýde. Olardyń ishinde Jambyl orta mektebiniń, Tamshybai aýylyndaǵy sport alańyn abbattandyrý, Qaban Jyraý atyndaǵy orta mekteptiń sport alańyn aǵymdy jóndeýden ótkizý jáne 10 jyldyq Qazaqstan aýylyndaǵy shaǵyn fýtbol, voleibol alańyn jailastyrý men Alǵabas aýylyndaǵy 1989 jyly salynǵan orta mektepti ortasha jóndeýden ótkizý josparda bar.
Kóksý aýdany ákiminiń orynbasary Dáýlet Kenjehanulynyń aitýynsha aýdan basshylyǵy karantin ýaqytynda jumyssyz qalǵan turǵyndarǵa qol ushyn sozýda.
Jalpy alǵanda Kóksý aýdanynda «Jumyspen qamtýdyń jol kartasy» baǵdarlamasy negizinde barlyǵy 26 joba iske asyrylyp, 400-ge jýyq adam jumysqa ornalaspaq.
Anar SABYROVA
