ايتالىق اۋدانداعى دارىگەرلەرلىك امبۋلاتوريا كوپتەن جوندەۋ كورمەگەن ەدى. تۇرعىندارعا ءتيىستى مەديسينالىق كومەك كورسەتەتىن نىساننىڭ جوندەۋ جۇمىسىنا 121 ملن تەڭگە قاراجات بولىنگەن.
قولدانىسقا بەرىلگەننەن كەيىن مەديسينالىق پۋنكتىگە ەم-دوم جاساۋعا قاجەتتى قۇرال-جابدىقتار ساتىپ الىنادى.
بۇدان بولەك اۋدانعا قاراستى قىزىلتوعان اۋىلىندا سالىنىپ جاتقان 120 ورىندىق ورتا مەكتەپتىڭ قۇرىلىسى اياقتالىپ، وسى وقۋ جولىندا اشىلعالى وتىر.
بۇدان بولەك اينابۇلاق اۋىلىنداعى نەگىزگى كوشەگە تاس جول توسەلەدى. بۇل ماقساتقا 19 ملن. تەڭگە قارجى قاراستىرىلعان. اۋىلداعى مادەنيەت ءۇيىنىڭ جانىنان فەلشەرلى اكۋشەرلى پۋنكت اشىلادى. كۇنىنە 20 تۇرعىنعا مەديسينالىق كومەك كورسەتەتىن ورتالىقتىڭ قۇرىلىس جۇمىسىنا 181 ملن تەڭگە قارجى بولىنگەن.
«جۇمىسپەن قامتۋدىڭ جول كارتاسى» مەملەكەتتىك باعدارلاماسى اياسىندا اۋدانداعى 5 مەكتەپكە كۇردەلى جوندەۋ جۇرگىزىلۋدە. ولاردىڭ ىشىندە جامبىل ورتا مەكتەبىنىڭ، تامشىباي اۋىلىنداعى سپورت الاڭىن ابباتتاندىرۋ، قابان جىراۋ اتىنداعى ورتا مەكتەپتىڭ سپورت الاڭىن اعىمدى جوندەۋدەن وتكىزۋ جانە 10 جىلدىق قازاقستان اۋىلىنداعى شاعىن فۋتبول، ۆولەيبول الاڭىن جايلاستىرۋ مەن العاباس اۋىلىنداعى 1989 جىلى سالىنعان ورتا مەكتەپتى ورتاشا جوندەۋدەن وتكىزۋ جوسپاردا بار.
كوكسۋ اۋدانى اكىمىنىڭ ورىنباسارى داۋلەت كەنجەحان ۇلىنىڭ ايتۋىنشا اۋدان باسشىلىعى كارانتين ۋاقىتىندا جۇمىسسىز قالعان تۇرعىندارعا قول ۇشىن سوزۋدا.
جالپى العاندا كوكسۋ اۋدانىندا «جۇمىسپەن قامتۋدىڭ جول كارتاسى» باعدارلاماسى نەگىزىندە بارلىعى 26 جوبا ىسكە اسىرىلىپ، 400-گە جۋىق ادام جۇمىسقا ورنالاسپاق.
انار سابىروۆا
