Qazaqstanda servistik-daiyndaý ortalyqtary (SDO) alǵash ret qurylyp, búgingi kúni Almaty oblysynda tabysty iske asyrylýda. SDO aýylda biznes bastaýǵa qolaily áleýmettik joba: kórsetiletin jeńildikterdliń arqasynda sharýashylyqtarǵa qymbat zamanaýi tehnika beriledi.
"Jetisý "ÁKK" RR " AQ qoldaýymen qant qyzylshasy, dándi daqyldar, kókónis, júgeri, kúrish jáne kartop ósirý, jem daiyndaý boiynsha 51 SDO quryldy. SDO qarjylyq lizingi arqyly 1202 birlik aýyl sharýashylyǵy tehnikasyn aldy. Osylaisha, tehnika jańartyldy.
Búginde aýyl sharýashylyǵy ónimderin óndirýshiler eń zamanaýi jáne "aqyldy" tehnikany paidalanady. Arnaiy tehnika Claas, DEUTZ-FAHR, JohnDeere, FranzKleine, "Rostselmash", Minsk traktor zaýyty jáne t.b. siiaqty álemdik óndirýshi zaýyttardan satyp alynady.
SDO-da 200-den astam usaq jáne orta sharýashylyqtar biriktirildi, 900 aýyl sharýashylyǵy taýaryn óndirýshilerge 29 myń ga alqapta egin egý, ony óńdeý jáne jinaý boiynsha qyzmetter kórsetildi. 700-den astam turaqty jáne 12 000 maýsymdyq jumys orny quryldy.
Sonymen, qyzylsha baǵytyndaǵy 29 SDO qurý qant qyzylshasynyń egis alqaptaryn tórt esege ulǵaitýǵa múmkindik berdi, 2015 jyly tórt myń gektardan 2020 jyly 16,1 myń gektarǵa deiin jer kólemi keńeitildi.
Óńirde sondai-aq, kartoptyń ónimdiligin qaita qalpyna keltirý qolǵa alynǵan.
Eki jyl buryn óńir ákimi Amandyq Batalovtyń tapsyrmasy boiynsha "Jetisý" ÁKK kartop klasterin qurý maqsatynda AGRICO B. V. (Niderlandy) kompaniiasynyń selektsiiasy "Sante" jáne "Agriia" sorttarynyń 290 tonna elitalyq tuqym satyp alyndy.
Birinshi jyly Raiymbek aýdanynda kartoptyń elitalyq tuqymdary 70 ga jerge egildi, keiinnen mamandandyrylǵan aýyspaly egiste tuqymdyq material kóbeitilip, 2020 jyly 3 300 ga jerge egildi.
Jaqynda Almaty oblysyna jasaǵan is- sapary barysynda Qazaqstan Premer-ministri Asqar Mamin oblys basshylyǵynyń aýyl sharýashylyǵy salasyndaǵy atqarǵan jumysyna oń baǵa berdi.
Premer "Jetisý" ÁKK-niń tiimdi jumysy óńirlerdegi basqa da damý institýttary úshin úlgi bolýǵa tiis ekenin atap ótti.
