قازاقستاندا سەرۆيستىك-دايىنداۋ ورتالىقتارى (سدو) العاش رەت قۇرىلىپ، بۇگىنگى كۇنى الماتى وبلىسىندا تابىستى ىسكە اسىرىلۋدا. سدو اۋىلدا بيزنەس باستاۋعا قولايلى الەۋمەتتىك جوبا: كورسەتىلەتىن جەڭىلدىكتەردلىڭ ارقاسىندا شارۋاشىلىقتارعا قىمبات زاماناۋي تەحنيكا بەرىلەدى.
"جەتىسۋ "اكك" رر " اق قولداۋىمەن قانت قىزىلشاسى، ءداندى داقىلدار، كوكونىس، جۇگەرى، كۇرىش جانە كارتوپ ءوسىرۋ، جەم دايىنداۋ بويىنشا 51 سدو قۇرىلدى. سدو قارجىلىق ليزينگى ارقىلى 1202 بىرلىك اۋىل شارۋاشىلىعى تەحنيكاسىن الدى. وسىلايشا، تەحنيكا جاڭارتىلدى.
بۇگىندە اۋىل شارۋاشىلىعى ونىمدەرىن وندىرۋشىلەر ەڭ زاماناۋي جانە "اقىلدى" تەحنيكانى پايدالانادى. ارنايى تەحنيكا Claas، DEUTZ-FAHR، JohnDeere، FranzKleine، "روستسەلماش"، مينسك تراكتور زاۋىتى جانە ت.ب. سياقتى الەمدىك ءوندىرۋشى زاۋىتتاردان ساتىپ الىنادى.
سدو-دا 200-دەن استام ۇساق جانە ورتا شارۋاشىلىقتار بىرىكتىرىلدى، 900 اۋىل شارۋاشىلىعى تاۋارىن وندىرۋشىلەرگە 29 مىڭ گا القاپتا ەگىن ەگۋ، ونى وڭدەۋ جانە جيناۋ بويىنشا قىزمەتتەر كورسەتىلدى. 700-دەن استام تۇراقتى جانە 12 000 ماۋسىمدىق جۇمىس ورنى قۇرىلدى.
سونىمەن، قىزىلشا باعىتىنداعى 29 سدو قۇرۋ قانت قىزىلشاسىنىڭ ەگىس القاپتارىن ءتورت ەسەگە ۇلعايتۋعا مۇمكىندىك بەردى، 2015 جىلى ءتورت مىڭ گەكتاردان 2020 جىلى 16،1 مىڭ گەكتارعا دەيىن جەر كولەمى كەڭەيتىلدى.
وڭىردە سونداي-اق، كارتوپتىڭ ونىمدىلىگىن قايتا قالپىنا كەلتىرۋ قولعا الىنعان.
ەكى جىل بۇرىن ءوڭىر اكىمى اماندىق باتالوۆتىڭ تاپسىرماسى بويىنشا "جەتىسۋ" اكك كارتوپ كلاستەرىن قۇرۋ ماقساتىندا AGRICO B. V. (نيدەرلاندى) كومپانياسىنىڭ سەلەكسياسى "سانتە" جانە "اگريا" سورتتارىنىڭ 290 توننا ەليتالىق تۇقىم ساتىپ الىندى.
ءبىرىنشى جىلى رايىمبەك اۋدانىندا كارتوپتىڭ ەليتالىق تۇقىمدارى 70 گا جەرگە ەگىلدى، كەيىننەن مامانداندىرىلعان اۋىسپالى ەگىستە تۇقىمدىق ماتەريال كوبەيتىلىپ، 2020 جىلى 3 300 گا جەرگە ەگىلدى.
جاقىندا الماتى وبلىسىنا جاساعان ءىس- ساپارى بارىسىندا قازاقستان پرەمەر-مينيسترى اسقار مامين وبلىس باسشىلىعىنىڭ اۋىل شارۋاشىلىعى سالاسىنداعى اتقارعان جۇمىسىنا وڭ باعا بەردى.
پرەمەر "جەتىسۋ" اكك-نىڭ ءتيىمدى جۇمىسى وڭىرلەردەگى باسقا دا دامۋ ينستيتۋتتارى ءۇشىن ۇلگى بولۋعا ءتيىس ەكەنىن اتاپ ءوتتى.
