Sóz basynda Ermek Kelimseiit óziniń tájiribesimen bólisti.
«Jer paiyn eseptegen ýaqytta sharýashylyqta eńbek etken adamdardyń barlyǵyn — bala-shaǵasyna deiin qosyp eseptedik. Aýylda eńbek etken muǵalimder, meditsina qyzmetkerler, mádeniet salasyndaǵy mamandar — osylardyń bárin qosyp eseptep, olarǵa pai úlesi tiesili bolyp esepteldi. Iaǵni, sovhozdaǵy, kolhozdaǵy bar jerlerdi adamdardyń sanyna bólip, bir adamǵa shaqqanda qanshadan kelse, sony ár otbasyǵa ózine tiesili qaǵazyn qolyna ustattyq. Sol arqyly zańdy organdarǵa baryp, bekittirip, jer aktilerin aldy. Bireýler jerdi jaqsy, bireýler nashar paidalandy», — deidi E.Kelimseiit.
Ardagerler keńesiniń tóraǵasy 2003 jyly qabyldanǵan Jer kodeksinde aýyl sharýashylyǵy maqsatyndaǵy jerlerge jeke menshikke quqyq berý másele kóterilgen. Sodan beri 13 jyl ótti. Osy ýaqytta jeke menshikke ótken jer aýmaǵy úlken emes.
«Jalpy respýblikada 272 mln gektar jer bolsa, aýyl sharýshylyǵy baǵytyndaǵy jerlerdiń aýmaǵy 200 mln gektardan asady. Sonyń 100,8 mln gektary ainalymda júr. Sol jerdiń qazir 1, 3 mln gektary ǵana, iaǵni 1 paiyzdan astamy ǵana 13 jylda jeke menshikke ótken. Qalǵan jerler sol qalpy jatyr. Bul neni kórsetedi? Aýyldyń damymai, mesheýlep otyrǵanyn kórsetedi. Investitsiia kelmei jatyr, úkimettiń bergen demeý qarjysy shyǵyndy jabýǵa ǵana jetedi. Aýyldy damytamyz, kóteremiz degen baǵytta Jer kodeksine engizilgen ózgertýlerdiń keibir jerinde artyq ketken jerleri bar, árine. Odan keiin halyqqa der kezinde túsindirmegendikten de tolqý týǵyzǵanyn moiyndaý kerek», — dedi ol.
Ardager Qazaqstan azamattaryna jerge jeke menshik quqyǵyn berýge bolmaidy degen pikirdi túsinbeitinin aitty.
«Jeke menshik quqyǵynda jer bolýy múmkin emes dep jatyr. Osyny men túsinbeimin. Jeke menshik munai aǵyzatyn uńǵymasy bar elder, jeke menshiginde dúkeni, aýrýhanasy bar adamdar jeterlik. Birneshe býyn urpaq eńbek etken azamattardyń pai úlesine tigen jerin jeke menshikke alýyna biz nege qarsy bolamyz. Osy durys emes, buǵan kóńil bólý kerek. Sol jerin jeke menshikke ala almasa, bul azamattyń konstitýtsiialyq quqyǵyna da nuqsan keltirýi múmkin. Biraq jerdi bergennen keiin, ony tiimdi paidalanýyn suraý kerek. Osy baǵytta biraz jumys isteýimiz kerek. Elimizdiń qaýipsizdigin de eskergen jón. Shekaraǵa jaqyn jerler ózimizdiń azamattarǵa da berilmeýi qajet», — dedi ol.
Al sheteldikterge jerdi múldem satýǵa bolmaidy degen pikirin bildirdi Almaty oblystyq ardagerder keńesiniń tóraǵasy.
Derekkóz: BNews.kz
