Almaty oblysy ákiminiń ókimimen Qanat Esbolatov Almaty oblysy ákiminiń birinshi orynbasary laýazymyna taǵaiyndaldy, dep habarlaidy Dalanews.kz.
Qanat Bolatuly 1982 jyly týǵan. Bilimi joǵary, 2008 jyly Qazaq ulttyq agrarlyq ýniversitetin «memlekettik jáne jergilikti basqarý» mamandyǵy boiynsha bitirgen.
Eńbek jolyn 2002 «Dosanov» sharýa qojalyǵy tóraǵasynyń orynbasary bolyp bastaǵan.
Ár jyldary Almaty oblysy qarjy basqarmasynyń Eńbekshiqazaq aýdany boiynsha bir jolǵy talondardy berý jáne esepke alý jónindegi inspektory, bas inspektory, aǵa inspektory, «Megaron & K» JShS-niń qarjy direktory, Eskeldi aýdany Kókjazyq aýyldyq okrýginiń ákimi, Eskeldi aýdany ákiminiń orynbasary, Almaty oblysy aýyl sharýashylyǵy basqarmasy basshysynyń orynbasary, basqarma basshysy, Jetisý oblysy aýyl sharýashylyǵy basqarmasynyń basshysy laýazymdaryn atqarǵan.
2022 jyldyń qyrkúiek aiynan bastap Jetisý oblysy Kerbulaq aýdanynyń ákimi laýazymynda qyzmet etti.
