Almaty oblysy ákiminiń baspasóz hatshysy Janna Arynbekova qyzmetinen ketkenin málimdedi,dep habarlaidy Dalanews.kz.
Ol áleýmettik jelidegi paraqshasynda oblys ákiminiń baspasóz hatshysy retindegi jumysyn qorytyndylaǵanyn jazdy. Aitýynsha, bul kezeń kásibi tájiribe jinaqtaýǵa múmkindik bergen.
«Strategiialyq bastamalardy aqparattyq qoldaý, bilik pen halyq arasyndaǵy ashyq dialogty qalyptastyrý jolynda jaýapty ári kásibi komandamen birge qyzmet ettim. Basshylyqpen tikelei jumys isteý – jedel sheshim qabyldaý men joǵary jaýapkershilikti úiretti», – dep jazdy ol FaceBook paraqshasynda.
Sondai-aq Janna Arynbekova oblys ákimine senim bildirgeni úshin alǵys aityp, áriptesterine jáne jýrnalister qaýymyna yntymaqtastyq úshin rizashylyǵyn bildirdi.
