Almaty oblysy ákimdigi óńir turǵyndaryn jylýmen qamtamasyz etý máselesine aıryqsha kóńil bólýde. Oblysta kópqabatty turǵyn úılerdi ortalyqtandyrylǵan jylý júıesine qosý maqsatynda keshendi jumystar júrgizilýde.
Búgingi tańda oblystaǵy kópqabatty turǵyn úılerdiń 65%-y (1299 úıdiń 1986-y) ortalyqtandyrylǵan jylý júıesine qosylǵan. Bul kórsetkishti 95%-ǵa jetkizý, ıaǵnı taǵy 1890 úıdi jylýmen qamtamasyz etý josparlanýda. Ótken jylmen salystyrǵanda ósim 1277 úıdi qurady. Bul kórsetkishtiń artýyna Eńbekshiqazaq aýdanynda bes modýldik qazandyqtyń paıdalanýǵa berilýi oń áser etti.
Oblys turǵyndaryn jylýmen qamtamasyz etý úshin aldaǵy ýaqytta taǵy 52 blok-modýldik qazandyq salý josparlanýda:
* 25 – Eńbekshiqazaq aýdanynda,
* 19 – Talǵar aýdanynda,
* 8 – İle aýdanynda.
Joba tolyqtaı júzege asqannan keıin taǵy 110 kópqabatty turǵyn úı jylý júıesine qosylatyn bolady.
Qazandyqtardy jobalaý jáne salý jumystary eń belsendi túrde Talǵar aýdanynda júrgizilýde:
* Panfılov aýyly, Momyshuly kóshesi boıyndaǵy nysannyń jobalyq-smetalyq qujattary ázirlenip, memlekettik saraptamadan oń qorytyndy aldy. Qurylys-montaj jumystaryn bastaý úshin oblystyq búdjetten qarjy qarastyrylýda. Tıisti ótinish aǵymdaǵy jyldyń qazan aıynda ótetin oblystyq búdjet komısıasynyń kezekti otyrysyna jiberiledi. Ótinish maquldanǵan jaǵdaıda qarajat bólý týraly máslıhat sheshimin qabyldaý qajet bolady. Talǵar aýdany ákimdigi konkýrstyq rásimderdi ótkizýge qarjy bólip, qurylys-montaj jumystaryn júrgizetin merdigerdi anyqtap qoıdy.
* Tórt nysan boıynsha qurylys-montaj jumystaryn júrgizýge kelisimshartqa qol qoıyldy.
* Taǵy tórt nysannyń jobalyq-smetalyq qujattamasy ázirlenip, memlekettik saraptamadan oń qorytyndy alyndy.
* Qalǵan 11 nysannyń jobalyq-smetalyq qujattary memlekettik saraptamadan ótý satysynda.
Basqa aýdandardaǵy nysandardyń jobalyq-smetalyq qujattaryn ázirleý jumystary 2024 jyldyń sońyna deıin aıaqtalady dep kútilýde.
