Almaty men Almaty oblysynda jalǵan politseiler ustaldy, - dep habarlaidy Dalanews.kz.
Tergeý málimetinshe, qaskóiler ózderin tártip saqshylary retinde tanystyryp, qylmystyq jaýapkershilikke tartamyz dep qorqytyp, jergilikti turǵynnyń qolma-qol aqshasy men kóligin iemdengen.
Keltirilgen shyǵyn somasy 12 million teńgeden asyp ketken.
"Bul derek boiynsha qylmystyq is qozǵaldy. Almaty qalasy men Almaty oblysynda alty adam ustaldy. Tintý kezinde jalǵan qyzmettik kýálikter, protsessýaldyq qujat blankileri, nysandy kiim elementteri, oq-dáriler, mórler, sýyq qarýlar, sondai-aq, túrli elderden kelgen memlekettik nómir belgileri tárkilendi", - dep jazylǵan habarlamada.
Barlyq kúdikti ýaqytsha ustaý izoliatoryna qamaldy. Tergeý jalǵasyp jatyr.
