Almaty mańyndaǵy jol apatynan zardap shekken úndistandyq stýdent aýrýhanada kóz jumdy, dep habarlaidy Dalanews.kz.
Bul týraly Úndistannyń Qazaqstandaǵy elshiligi Facebook jelisindegi resmi paraqshasynda málimdedi.
Málimetke súiensek, 2001 jyly týǵan Rahýl Iadav 9 qańtarda tańerteń jansaqtaý bóliminde kóz jumǵan. Qazir marqumnyń denesin Otanyna jetkizý jumystary júrgizilip jatyr.
Sondai-aq, osy jol apatynan qaza tapqan taǵy eki úndistandyq stýdent - Karan Parmar men Rishiradj Bairattyń máiitteri búgin Úndistanǵa jóneltilgeni habarlandy.
Aita keteiik, oqiǵa 6 qańtarda bolǵan. Kólikte Úndistannyń bes azamaty otyrǵan. Tórteýi - Ońtústik Qazaqstan meditsina ýniversitetiniń stýdentteri, al biri - týrist. Olar Shymkentten Almatyǵa jolǵa shyqqan.
