Búgin tańerteń Pervomaisk indýstrialdy aimaǵyndaǵy órt bastaldy, dep habarlaidy Dalanews.kz Almaty oblysynyń Tótenshe jaǵdailar departamentine siltep.
Búgin tańerteń almatylyqtar qalanyń soltústik bóliginde qalyń qara tútindi baiqady. Osy tusta Almaty oblysy Ile aýdanynda ornalasqan Pervomaisk indýstrialdy aimaǵyndaǵy polietilen qoimasy órtenip jatqany belgili boldy.
Oblystyq tótenshe jaǵdailar qyzmetiniń málimetinshe, órt týraly habar tańǵy saǵat jetiler shamasynda túsken. Boljam boiynsha bólmedegi qysqa tuiyqtalý sebep bolǵan.
Qutqarýshylar oqiǵa ornyna 20 minýt ishinde jetken. Osy ýaqytqa deiin órt 3,6 myń metr aýmaqta búkil ǵimaratty sharpyǵan.
“Órt tańǵy saǵat 9:12-de oqshaýlandy. Órttiń jaqyn mańdaǵy qoimaǵa taralýyna jol berilmedi. Qurbandar men zardap shekkender joq. Órttiń taralý qaýpi joq. Órtti sóndirý jalǵasýda”, - dedi Tótenshe jaǵdailar departamenti.
Órtti sóndirýge 9 qyzmetker men 18 tehnika jumyldyryldy.
