ÓKQ alańynda Almaty qalasynyń ákimi Baqytjan Saǵyntaevtyń bastamasymen ázirlengen «Qalanyń sáýlettik kelbetin qalyptastyrý jáne qala qurylysyn josparlaý erejeleri» tanystyryldy. Qujat VII shaqyrylǵan qala máslıhatynyń kezekten tys VI sesıasynda qabyldanǵan.
A. Ahmedjanovtyń aıtýynsha, jańa erejelerdiń arqasynda qalanyń biregeı beınesi, İle Alataýy taýlarynyń kórkem panoramasy qala kósheleriniń ansámbldik ushtasýyn qalyptastyrady ári saqtaıdy. Bulardan ózge, qalanyń kádýilgi jeldetilýin qamtamasyz etedi jáne shýly ortadan qorǵaıdy.
Jańa qujatta salynatyn úılerdiń yńǵaıly ornalasatyny, qoljetimdilik qaǵıdasyna saı áleýmettik jáne kúndelikti paıdalanatyn zattary bar nysandar salynatyny jazylǵan.
Qurylys kompanıalary qala aýmaǵynda qala qurylysy men bıiktik reglamentin saqtaýǵa mindettenedi.
