Almaty. Jańa qurylys erejeleri taýdan soqqan samaldy qorǵaidy
Búgin Almaty qalalyq Josparlaý jáne ýrbanistika basqarmasynyń bastyǵy Almashan Ahmedjanov Óńirlik kommýnikatsiialar qyzmetiniń alańynda ótken brifingte Almatyda qoldanylyp jatqan jańa qurylys erejeleri qala inieiń jeldetilýin retteitinin aitty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
ÓKQ alańynda Almaty qalasynyń ákimi Baqytjan Saǵyntaevtyń bastamasymen ázirlengen «Qalanyń sáýlettik kelbetin qalyptastyrý jáne qala qurylysyn josparlaý erejeleri» tanystyryldy. Qujat VII shaqyrylǵan qala máslihatynyń kezekten tys VI sessiiasynda qabyldanǵan.
A. Ahmedjanovtyń aitýynsha, jańa erejelerdiń arqasynda qalanyń biregei beinesi, Ile Alataýy taýlarynyń kórkem panoramasy qala kósheleriniń ansambldik ushtasýyn qalyptastyrady ári saqtaidy. Bulardan ózge, qalanyń kádýilgi jeldetilýin qamtamasyz etedi jáne shýly ortadan qorǵaidy.
Jańa qujatta salynatyn úilerdiń yńǵaily ornalasatyny, qoljetimdilik qaǵidasyna sai áleýmettik jáne kúndelikti paidalanatyn zattary bar nysandar salynatyny jazylǵan.
Qurylys kompaniialary qala aýmaǵynda qala qurylysy men biiktik reglamentin saqtaýǵa mindettenedi.
