وكق الاڭىندا الماتى قالاسىنىڭ اكىمى باقىتجان ساعىنتايەۆتىڭ باستاماسىمەن ازىرلەنگەن «قالانىڭ ساۋلەتتىك كەلبەتىن قالىپتاستىرۋ جانە قالا قۇرىلىسىن جوسپارلاۋ ەرەجەلەرى» تانىستىرىلدى. قۇجات VII شاقىرىلعان قالا ءماسليحاتىنىڭ كەزەكتەن تىس VI سەسسياسىندا قابىلدانعان.
ا. احمەدجانوۆتىڭ ايتۋىنشا، جاڭا ەرەجەلەردىڭ ارقاسىندا قالانىڭ بىرەگەي بەينەسى، ىلە الاتاۋى تاۋلارىنىڭ كوركەم پانوراماسى قالا كوشەلەرىنىڭ انسامبلدىك ۇشتاسۋىن قالىپتاستىرادى ءارى ساقتايدى. بۇلاردان وزگە، قالانىڭ كادۋىلگى جەلدەتىلۋىن قامتاماسىز ەتەدى جانە شۋلى ورتادان قورعايدى.
جاڭا قۇجاتتا سالىناتىن ۇيلەردىڭ ىڭعايلى ورنالاساتىنى، قولجەتىمدىلىك قاعيداسىنا ساي الەۋمەتتىك جانە كۇندەلىكتى پايدالاناتىن زاتتارى بار نىساندار سالىناتىنى جازىلعان.
قۇرىلىس كومپانيالارى قالا اۋماعىندا قالا قۇرىلىسى مەن بيىكتىك رەگلامەنتىن ساقتاۋعا مىندەتتەنەدى.
