Óńirlik kommýnikatsiialar qyzmeti alańynda sóilegen sózinde spiker Almaty qalasy ákimi janyndaǵy Iskerlik Keńes osy yntymaqtastyqtyń jarqyn dáleli bolyp tabylatynyn habarlady. Ol qolaily biznes-klimatty damytý úshin qurylǵan jáne ártúrli salalardaǵy iri biznes ókilderin – qarjy, bólshek saýda, mashina jasaý, qonaq úi jáne meiramhana salalaryn biriktirdi.
Búginde Iskerlik keńestiń qurylymynda megapolis úshin jeti basym baǵyt boiynsha segiz salalyq komitet bar: «aqyldy qala», shetsiz qala, bastamalarǵa arnalǵan qala, qaýipsiz qala, «jasyl» qala, mádeni kreativti qala, Qazaqstannyń iskerlik astanasy. Biyl 30-ǵa jýyq otyrys ótkizildi.
– Ótken jyly pandemiia kezinde Almaty ákimi Baqytjan Saǵyntaevtyń tóraǵalyǵymen Iskerlik keńespen tyǵyz ózara is-qimyl jasai otyryp, daǵdarysqa qarsy qoldaý sharalary ázirlendi. Qoldanystaǵy memlekettik baǵdarlamalarǵa birqatar ózgerister engizildi – qarjylandyrýdy ulǵaitý, salalyq shekteýlerdi alyp tastaý, mikro jáne shaǵyn kásipkerlikti nesielendirý úshin jańa baǵyttardy engizý, – dedi E. Orazalin.
Sondai-aq, «Almaty biznes» óńirlik baǵdarlamasyna birqatar ózgerister men tolyqtyrýlar qabyldandy, onyń ishinde Alataý, Naýryzbai, Jetisý, Túrksib siiaqty qalanyń belsendi emes aýdandarynda biznesti damytýdy yntalandyrý maqsatynda 6% respýblikalyq birizdendirilgen mólsherleme aiasynda olarǵa 5%-ben kredit berý múmkindigi berildi.
Budan ózge, daǵdarysqa qarsy sharalar aiasynda «Almaty Finans» JShS jáne «Almaty» MQU» JShS eki qarjy institýtyndaǵy syiaqy mólsherlemesi jyldyq 7%-dan 6%-ǵa deiin tómendetildi, eń joǵary soma 300 mln-nan 500 mln teńgege deiin ulǵaityldy, kepilsiz nesieleý engizildi jáne salalyq shekteýler alynyp tastaldy.
E. Orazalinniń aitýynsha, búginde Iskerlik keńes ókilderi qalany damytýdyń iri jobalary – Almaty qalasyn damytý tujyrymdamasyn, Big Apple: Úlken Almaty – reformalar lokomotivi jáne t. b. jobalardy ázirleýge jáne iske asyrýǵa belsene qatysýda.
