Almaty ekonomikasynyń 45%-yn jeke kásipkerler qalyptastyrady
Almatyda kásipkerlerdi qoldaýǵa arnalǵan birneshe baǵdarlama bar. «Biznestiń jol kartasy – 2025» baǵdarlamasynyń úshinshi baǵyty boiynsha isin jańa bastaǵan kásipkerlerge qaitarymsyz negizde 5 million teńgege deiingi somada innovatsiialyq granttar beriledi.
– Búginde 510 mln teńgeniń 161 jobasyna qoldaý kórsetildi, onyń ishinde 326 mln teńgeniń 106 jobasyna halyqtyń áleýmettik osal toptary men kóp balaly analar qatysady, – dedi E. Orazalin.
Qolday kásipkerlik ortalyǵy biznes-josparlardy daiyndaý úshin isin jańa bastaǵan kásipkerlerge jan-jaqty qoldaý kórsetedi.
Sondai-aq «Almaty Business – 2021» baǵdarlamasy boiynsha tegin bilim berý men akseleratsiia jobasy iske qosyldy. E. Orazalinniń aitýynsha, akseleratsiia baǵdarlamasy – bul ShOB úshin óz biznesin sarapshylardyń kózimen qaraýǵa, ondaǵy álsiz jaqtardy tabýǵa, damý josparyn qurýǵa jáne satý men tabysty arttyrýǵa múmkindik beredi.
– Sarapshylarmen 8 apta ishinde jumys istegen kásipker tálimgerlik pen saraptamalyq qoldaý arqyly óz kásibiniń ósý núkteleri men tiimdiligin anyqtaidy. 7 salalyq baǵytta, sonyń ishinde qyzmet kórsetý jáne ónerkásiptiń jekelegen túrleri salasynda jumys isteitin 1 myńnan astam kásipkerdi qamtý kózdelgen, – dedi Kásipkerlik jáne investitsiialar basqarmasynyń basshysy.
Aita keterligi, qazirgi ýaqytta qala ekonomikasynyń 45%-dan astamyn jeke kásipkerlik qalyptastyrady. 10 qala turǵynynyń 6-ýy shaǵyn jáne orta kásippen ainalysady. Qazaqstannyń árbir altynshy kásiporny Almatyda ashylǵan.
