Almaty áýejaıyndaǵy kepilge alý isi boıynsha tyń derekter shyqty. Qosymsha tergeýden keıin is qaıtadan sotqa jiberildi, dep habarlaıdy Dalanews.kz.

Buǵan deıin kúdikti Mashrapbek Baratovtyń advokaty qylmystyq quqyqbuzýshylyqtyń saralanýymen kelispeıtinin bildirgen. Osyǵan baılanysty is prokýrorǵa qaıtarylǵan bolatyn.

"Qosymsha sotqa deıingi tergep-tekserý nátıjesinde Baratov M.Z.-nyń áreketine berilgen quqyqtyq baǵa ózgerissiz qaldy", – delingen resmı habarlamada.

Sonymen qatar, sotqa deıingi tergeý barysynda jábirlenýshi retinde qyzdy qutqarǵan Musa Abdraım tanyldy.

Osylaısha, tergeý aıaqtalyp, is sotqa joldandy.

7 naýryz kúni Almaty áýejaıynyń ishki reıster termınalynda 67 jastaǵy er adam tekserý qyzmetiniń qyzmetkerin kepilge alyp, oǵan pyshaqpen qoqan-loqqy kórsetken. Mashrapbek Baratovqa qatysty sotqa deıingi tergep-tekserý hýlıgandyq, adamdy kepilge alý jáne terorızm aktisi týraly jalǵan habar berý derekteri boıynsha tirkelgen.