Almaty áýejaıynda qaskóı kepilge alǵan qyzdyń jaǵdaıy belgili boldy, dep habarlaıdy Dalanews.kz. 

Osy oqıǵadan zardap shekken áýejaı qyzmetkerine qatysty Almaty halyqaralyq áýejaıy oǵan psıholog berip, ári qaraı barlyq qajetti kómek kórsetedi, delingen áýejaı habarlamasynda. 

Eske salaıyq, buǵan deıin Almatyda er adam áýejaı qyzmetkerin kepilge alǵanyn jazǵan edik. 

Áýejaı ókilderiniń sózinshe, oqıǵa búgin, 7 naýryzda áýejaıdyń ushý aldyndaǵy tekserý aımaǵynda bolǵan.

Saǵat 11:45 shamasynda ózin jolaýshy retinde tanystyrǵan er adam ishki termınaldaǵy (T1) reıs aldyndaǵy tekserý aımaǵyna kelgen. Almaty halyqaralyq áýejaıynyń avıasıalyq qaýipsizdik qyzmetiniń skrınıng qyzmetkerleri er adamnan qujattaryn kórsetýdi suraǵan, biraq er adam skrınıng ofıserin shashynan ustap alyp, pyshaqpen qorqyta bastaǵan.

7 mınýttan keıin áýejaıdyń jelilik polısıa bóliminiń (LPD) qyzmetkerleri jáne Almaty halyqaralyq áýejaıynyń avıasıalyq qaýipsizdik qyzmetkerleri er adamnyń pyshaǵyn tartyp alǵan.

Qazirgi ýaqytta er adam polısıa bóliminde, quqyq qorǵaý qyzmetkerleri oqıǵanyń mán-jaıyn anyqtap jatyr.