Naýryz kún men túnniń teńelip, tirshiliktiń uiqydan oianatyn kezeńi. Ulystyń uly kúni halyq bir-birin merekemen quttyqtap, izgi tilekterin arnaidy.
19 naýryzda «Almaty» arnasynda «Naýryzdan Naýryzǵa amandyqpen júzdeseiik!» atty telemarafon ótedi.
Halqymyzdyń Ulyq meiramyn arnamyzdyń «Tańǵy Stýdio» baǵdarlamasymen bastalyp, túngi 22:00-ge deiin jalǵasady.
Merekelik telemarafonda Naýryz merekesiniń tarihy men dástúri týraly tyń aitylyp, san ǵasyrǵa jalǵasqan salt-dástúrlerimiz ben ulttyq oiyndarymyz dáripteledi. Telearna jýrnalisteri túsirgen ekskliýzivti derekti film men beinebaiannyń tusaýy kesilmek.
Stýdiia tórinde elimizge tanymal tulǵalar, óner juldyzdary kelip, syrly suhbat órilmek.
Sonymen qatar, Uly merekemiz týraly qyzyqty ári tanymdy siýjetter kórsetiledi.
Halqymyzdyń erke qyzy Maqpal Júnisova men mýza áleminiń muzarty «MýzArt» tobynyń, «Turan» etno-folklorlyq ansambliniń kontsertin tamashalai alasyzdar!
Naýryzdan Naýryzǵa amandyqpen júzdeseiik!
