ناۋرىز كۇن مەن ءتۇننىڭ تەڭەلىپ، تىرشىلىكتىڭ ۇيقىدان وياناتىن كەزەڭى. ۇلىستىڭ ۇلى كۇنى حالىق ءبىر-بىرىن مەرەكەمەن قۇتتىقتاپ، ىزگى تىلەكتەرىن ارنايدى.

19 ناۋرىزدا «الماتى» ارناسىندا «ناۋرىزدان ناۋرىزعا اماندىقپەن جۇزدەسەيىك!» اتتى تەلەمارافون وتەدى.

حالقىمىزدىڭ ۇلىق مەيرامىن ارنامىزدىڭ «تاڭعى ستۋديو» باعدارلاماسىمەن باستالىپ، تۇنگى 22:00-گە دەيىن جالعاسادى.

مەرەكەلىك تەلەمارافوندا ناۋرىز مەرەكەسىنىڭ تاريحى مەن ءداستۇرى تۋرالى تىڭ ايتىلىپ، سان عاسىرعا جالعاسقان سالت-داستۇرلەرىمىز بەن ۇلتتىق ويىندارىمىز دارىپتەلەدى. تەلەارنا جۋرناليستەرى تۇسىرگەن ەكسكليۋزيۆتى دەرەكتى فيلم مەن بەينەباياننىڭ تۇساۋى كەسىلمەك.
ستۋديا تورىندە ەلىمىزگە تانىمال تۇلعالار، ونەر جۇلدىزدارى كەلىپ، سىرلى سۇحبات ورىلمەك.

سونىمەن قاتار، ۇلى مەرەكەمىز تۋرالى قىزىقتى ءارى تانىمدى سيۋجەتتەر كورسەتىلەدى.

حالقىمىزدىڭ ەركە قىزى ماقپال ءجۇنىسوۆا مەن مۋزا الەمىنىڭ مۇزارتى «مۋزارت» توبىنىڭ، «تۇران» ەتنو-فولكلورلىق ءانسامبلىنىڭ كونسەرتىن تاماشالاي الاسىزدار!

ناۋرىزدان ناۋرىزعا اماندىقپەن جۇزدەسەيىك!